महेन्द्रनगर । विश्व महामारीको रुपमा फैलीरहेको कोरोना भाइरस रोकथामका लागी देश एक महिना देखी लकडाउन गरीएको छ ।
लकडाउनका कारण सर्वसाधारण सबैको जनजीवन प्रभावित बनेको छ । दैनिक ज्याला मजदुरी गरी गुजारा गर्ने र घर भाडा गरी अध्ययन गर्ने विद्यार्थी बढी प्रभावित बनेका छन् ।
काठमाण्डौँमा घर भाडा गरी पढ्ने तथा काम गर्ने कञ्चनपुरबासीको समस्यालाई मध्यनजर गर्दै कञ्चनपुर स्थित महाकाली सेती यातायत समितिले उनिहरुलाई घर ल्याउन जिल्ला प्रहरी कार्यालय कञ्चनपुरको समन्वयमा गाडी काठमाण्डौँ पठाएको छ ।
काठमाण्डौमा घरभाडा गरी बस्ने कञ्चनपुरबासी भोकभोकै बस्नु नपरोस भन्ने उद्देश्यले प्रहरी संग समन्वय गरी उनिहरुलाई घर ल्याउन ६ गाडी पठाएको र महाकाली सेती यातायात समितिका अध्यक्ष डम्मर पन्तले बताए ।
उनले भने ‘हामीले काठमाण्डौँमा फसेका घर जान चाहने कञ्चनपुरबासीलाई घर ल्याउन गाडी पठाएका छौ र गाडी आज फर्कन्छ ।’उनले थपे ‘तर ६ गाडीले मात्र पुग्दैन यात्रुको संख्या धेरै छ । र थप अरु गाडी पठाउन समन्वय प्रहरी तथा प्रशासन संग समन्वय गरीरहेका छौ ।’
