महेन्द्रनगर । विश्व महामारीको रुपमा फैलिरहेको कोरोना भाइरस नियन्त्रण तथा रोकथामका लागी हाल विश्व नै लकडाउन छ ।
कोरोना रोकथामका लागी नेपाल सरकारले पनि देश लकडाउन गरेपछि बजार, व्यवसाय, यातायात सबै ठप्प छन् ।
देशनै ठप्प हुदा सर्वसाधारण सबैको जनजिवन प्रभावित भएको छ । लकडाउनका कारण विवाह,व्रतवन्ध, पुजापाठ लगाएतका धार्मीक कार्य पनि ठप्प छन् ।
यद्यपी जिल्ला प्रशासन कार्यालय कञ्चनपुरले लकडाउनमा विवाह गर्न अनुमती दिएको छ ।
लकडाउनमा कसैले विवाह गर्न चाहेमा वडा कार्यालयको सिफारीस लिएर बेहुला बेहुली र पण्डीत सहति ५ जनाको उपस्थितिमा सामाजिक दुरी कायम गरी तथा कोरोना रोकथामका उपाय अवलम्बन गरी विवाह गर्न पाइने जिल्ला प्रशासन कार्यालय कञ्चनपुरले जनाएको छ ।
जिल्ला प्रशासन कार्यालय कञ्चनपुरका सहायक प्रमुख जिल्ला अधिकारी गोकर्ण प्रशाद उपाध्यायले भने ‘जिल्लामा बढीमा ५ जनाको उपस्थितिमा सामाजिक दूरी कायम गरी विवाह गर्न सकिनेछ र विवाहको लागी कुनैपनि सवारी पासको आवश्यक पर्दैन ।’
