महेन्द्रनगर । एम्नेष्टी इन्टरनेशनल शुक्लाफाँटा समुहले विद्यार्थीहरुलाई खाद्यान्न सामाग्री वितरण गरेको छ ।
कञ्चनपुरको महेन्द्रनगरमा घर भाडा गरी पढ्ने विद्यार्थीहरुले लकडाउनका कारण खाना खान नपाएको अवस्थामा एम्नेष्टी इन्टरनेशनल शुक्लाफाँटा समुहले २० जना विद्यार्थीहरुलाई खाद्यान्न सामाग्री वितरण गरेको एम्नेष्टी इन्टरनेशनल शुक्लाफाँटा समुहका अध्यक्ष डा.भोजराज पन्तले बताए ।
उनले भने ‘ एम्नेष्टी इन्टरनेशनल शुक्लाफाँटा समुहका सचिव प्रकाश पाण्डये, सह–सचिव प्रजापती नेगी,कोषध्यक्ष सीमा जोशी, सदस्य नरेन्द्र भाट र गणेश बहादुर चन्दको सहयोगमा हामीले समस्यामा परेका ती विद्यार्थीहरुलाई सक्दो सहयोग गरेका हौ ।’
उनका अनुसार विद्यार्थीहरुलाई चामल, दाल, नुन,तेल लगाएतका खाद्यान्न सामाग्री वितरण गरीएको छ ।
एम्नेष्टी इन्टरनेशनल शुक्लाफाँटा समुहले निरन्तर यस्ता सामाजिक कार्य गर्दै आएको छ ।
