कञ्चनपुरमा कुखुरा पालक किसान आफैले १५ हजार बढी कुखुरा खाल्डोमा पुरे

महेन्द्रनगर । कञ्चनपुरमा १५ हजार बढी ज्यूदै कुखुरा खाल्डोमा पुरेर नष्ट गरीएको छ । लकडाउनले बजार नखुल्दा तथा कुखुराका लागि आवश्यक दाना तथा औषधी अभाव हुँदा कुखुरा पालक किसानहरुले ज्युदैँ कुखुरा खाल्डोमा गाडेका हुन् ।

लकडाउनका कारण बजार, यातायात सबै ठप्प हुदा आफुहरुले कुखुरा ढुवानी गर्न नपाउँदा र दाना अभाव हुदाँ, विक्री गर्न योग्य तयारी कुखुरा खाल्डोमा पुरेर नष्ट गर्नु परेको कुखुरा तथा अण्डा उत्पादन संघ कञ्चनपुरका अध्यक्ष विक्रम नाथले बताए ।

‘लकडाउनले गर्दा कञ्चनपुरमा किसानले १५ हजार बढी कुखुरा खाल्डोमा पुरेर नष्ट गरीसकेका छन् ।’ अध्यक्ष नाथले भने ‘ आज मैले आफैले मेरो ७ सय ८८ तयारी कुखुरा नष्ट गरेको छु र कञ्चनपुरमा कुखुरा नष्ट गर्ने क्रम जारी छ ।’

‘लकडाउनले गर्दा कुखुरा पालक किसान धेरै मारमा परेका छौँ, सामाजिक दूरी कायम गरेर मासु बिक्रीका लागि सहज गरीदिन स्थानीय प्रशासनसित समन्वय गरेपनि सुनुवाई भएन ।’ अध्यक्ष नाथले भने, ‘दाना तथा बजार नपाउँदा नै कुखुरालाई नष्ट गर्नुपर्ने अवस्था आयो ।’

नाथका अनुसार कञ्चनपुरमा हाल ३ लाख ८० हजार पिस बेच्नयोग्य कुखुरा छन् । तर लकडाउले गर्दा ति सबै कुखुरा नष्ट गर्नु पर्ने अवस्था सिर्जना भएको छ ।

दैनिक करोडौँ घाटा
यहाँ कुखुरा पालक किसान, अण्डा उत्पादन तथा ह्याचरी सञ्चालकले दैनिक करोडौँको नोक्सानी व्यहोर्नु परेको जनाएका छन् ।

कुखुरा पालक किसान, अण्डा उत्पादन तथा श्याचरी सञ्चालकले दैनिक ६०/७० लाखको नोक्सानी व्यहोर्नु परेको कुखुरा तथा अण्डा उत्पादन संघ कैलालीका अध्यक्ष पाण्डेले बताए ।

चल्लादेखि सो चल्ला मासुका लागि तयार हुँदासम्म एउटा कुखुरामा चार सय देखि पाँच सय रुपैयाँसम्म लागत लाग्ने गरेको छ ।

कैलालीमा हाल दुई लाख भन्दा बढि कुखुरा मासुका लागि तयार छन् । कुखुरा बिक्रि नहुँदा किसानको लागत डुब्ने खतरा बढेको छ ।

यता कञ्चनपुरमा पनि मासुका लागि तयार चार लाख कुखुरा बिक्रि हुन नपाउँदा कुखुरा पालक किसानले करिब २२ लाख नोक्सानी व्यहोर्नु परेको कुखुरा तथा अण्डा उत्पादन संघ कञ्चनपुरका अध्यक्ष नाथले बताए ।

ताजा खबर

क्टरको लाइसेन्स परीक्षामा ५३ प्रतिशत फेल

१५ माघ, काठमाडौं । चिकित्सकहरुको नाम दर्ता प्रमाणपत्र (लाइसेन्स)...

चितवन–२ मा उपनिर्वाचन

काठमाडौँ, माघ १४ गते । सर्वोच्च अदालतले उपप्रधानमन्त्री तथा...

सुदूरपश्चिमबाट राष्ट्रिय गौरवका आयोजनाको निरीक्षण सुरु गर्ने प्रधानमन्त्रीको तयारी

कञ्चनपुर। प्रधानमन्त्री पुष्पकमल दाहाल (प्रचण्ड)ले सुदूरपश्चिमबाट राष्ट्रिय गौरवका आयोजनाको...

रास्वपाको कार्यवाहक सभापति र संसदीय दलको नेतामा डीपी अर्याल

काठमाडौं । राष्ट्रिय स्वतन्त्र पार्टीले डोलप्रसाद (डिपी) अर्याललाई कार्यवाहक...

सुदूरपश्चिम प्रदेशमा एमाले नेता राजेन्द्र रावल मुख्यमन्त्री बन्दै

सुदूरपश्चिम प्रदेशमा एमालेका नेता राजेन्द्र रावल मुख्यमन्त्री हुने भएका...

Website developed by:

spot_img

छुटाउनु भयो कि ?