शनिबार कञ्चनपुरमा शनिबार कोरोना संक्रमित रहेको पुष्टी भएकापछि प्रशासनले थप सर्तकता बढाएको हो ।
प्रशासनले आफ्नो फेसबुकमार्फत आम जिल्लाबासीलाई सतकर्ता अपनाउन आग्रह गरेको छ ।
जिल्ला प्रशासनले शनिबार कञ्चनपुरमा भेटीएको संक्रमणले जोखिम बढेको पुष्टी भएको उल्लेख गदैँ लेखेको छ ।
‘कोरोना भाइरसको जोखिमको अवस्था जटिल छ भन्ने कुरा जिल्ला प्रशासन कार्यालय कञ्चनपुरले सुरुदेखि नै भन्दै र स्थानीय स्रोत साधनले भ्याएसम्म सोको लागि आवश्यक तयारी समेत गर्दै आएको छ ।
कोभिड(१९ को संक्रमणको सन्दर्भमा भएका पछिल्ला घटनाक्रमले थप जोखिमको पुष्टि गरिसकेको छ । अब सबै कुराहरु जिल्ला प्रशासन कार्यालयले भनेपछि मात्रै गर्नुपर्छ भन्ने होईन ।
सचेत नागरिकले स्वतस्फूर्त रुपमा आत्मअनुशासनमा बस्ने, घरबाट बाहिर ननिस्किने, कानूनको पूर्ण परिपालना गर्ने हो भने लकडाउन सफल हुने मात्र नभई सबैको स्वास्थ्य समेत सुरक्षित हुनेछ । त्यसैले सचेत बनौ, सुरक्षित रहौं ।’
