महेन्द्रनगर २१ चैत । कञ्चनपुरस्थीत गैर सरकारी सामाजिक संस्था एनएनएसडब्लुएले नोबेल कोरोना भाईरसको संक्रमणबाट जोगिन स्वास्थ्य सामाग्री वितरण गरेको छ ।
एनएनएसडब्लुएले डिसीएसँगको सहकार्यमा जिल्लाका नौ वटै स्थानीय तहलाई स्वास्थ्य सामाग्री विरतण गरेको एनएनएसडब्लुएका प्रमुख अशोक विक्रम जैरुले बताए ।
उनका अनुसार हरेक स्थानीय तहलाई १० लिटर स्यानिटाईजर, ४ सय मास्क, ४ सय वटा साबुन, २ सय जोडा ग्लोब्स वितरण गरिएको छ ।
एनएनएसडब्लएले पालिकाकै पुगेर उक्त सामाग्री वितरण गरेको हो । बिहिबार भीमदत्त र माहाकाली नगरपालिकालाई स्वास्थ्य सामाग्री गरेको छ ।
त्यस्तै मुक्त कमैलायालाई शिविर लगायतका समुदाय, क्वारेन्टाईन, महाकाली अस्पतालसँगै स्वास्थ्य र सुरक्षाकर्मीलाई पनि स्वास्थ्य सामाग्री विरतण गरिएको उनको भनाई छ ।
भाईरसको संक्रमणबाट सुरक्षीत रहनका लागि स्वास्थ्य सामाग्री वितरण गरिएको प्रमुख जैरुले बताए ।
साथै एनएनएसडब्लएले पीपीई सेट लगायतका अन्य सामाग्री पनि चाडैँ वितरणको तयारी भईरहेको बताए ।
