बैतडी । वडा सदस्यको शोकमा सिगास गाउँपालिकाले एक दिन शोक मनाउने भएको छ। वडा नम्बर ८ की वडा सदस्य सुरजादेवी दमाईको आइतवार निधन भएको थियो।
सोमवार बसेको गाउँकार्यपालिका बैठकले मंगलवार एक दिन गाउँपालिकामा बिदा दिने निर्णय गरेको प्रमुख प्रशासकीय अधिकृत रघुनाथ अवस्थीले जानकारी दिए। मंगलबार गाउँपालिकाका सम्पूर्ण कार्यालयहरु बन्द रहने छन्।
यसका साथै मृतक दमाईका परिवारलाई किरिया खर्चबापत २५ हजार रुपैयाँ दिने निर्णय समेत गरेको छ।
लामो समयदेखि श्वासप्रश्वासकी बिरामी रहेकी वडा सदस्य तथा कार्यपालिका सदस्य दमाईको आइतवार ४८ वर्षको उमेरमा घरमै निधन भएको हो।
उनी स्थानीय तहको निर्वाचनमा नेपाली कांग्रेसबाट निर्वाचित भएकी थिइन्।
