महेन्द्रनगर १४ भदौ । महाकाली राजमार्गमा स्कापियो दुर्घटना हुँदा चालकसहित दुईजना घाइते भएका छन् । दार्चुलाबाट महेन्द्रनगरका लागि छुटेको बा १२ च ४२४० नम्बरको जिप दोगडाकेदार गाउँपालिका–३ खोचलेक नजिकै सोमबार बिहान साढे ७ बजे दुर्घटनामा परेको हो ।
स्थानीय युवा भोजराज जोशी(क्वालिटी)ले घाईतेको अवस्था समान्य रहेको जानकारी दिए । दुर्घटनामा परि घाईते हुनेमा कञ्चनपुरको वेदकोट नगरपालिका–८ गयलनदीका हरिस बोहरा र दोगडाकेदार–२ बडियाका दानसिंह भाट घाइते भएका छन्।
उनीहरुको स्थानीय क्लिनिकमा सामान्य उपचारपछि बाहिर रेफर गर्ने तयारी भइरहेको खोचलेक प्रहरीे जानकारी दिएको छ । स्कारपियोमा चालकसहित दुई जनामात्रै रहेको प्रहरीले जनाएको छ । वर्षाका कारण सडक चिप्लो भएर दुर्घटना भएको आशंका गरिएको छ । जिप सडकबाट १०० मिटर तल खसेको छ।
