महेन्द्रनगर । बझाङको केदारस्युँ गाउँपालिका–८ मल्लेसीमा गएको पहिरोमा पुरिएका ४ जनाको शव भेटिएको छ ।
गएराती १ बजेतिर गएको पहिरोमा पुरीएका ७ जनामध्ये ४ जानको शव भेटिएको र अन्य तीन जना अझै सम्पर्कविहिन रहेको केदारस्युँ गाउँपालिका–८ का वडाध्यक्ष गणेश बोहराले बताए ।
उनका अनुसार पहिरोमा पुरीएका १२ वर्षिय प्रयाग जेठारा,८० वर्षिय दले जेठारा,४० वर्षिया राममती जेठारा र १३ वर्षिया अस्मिता जेठाराको शव भेटिएको छ ।
त्यस्तै १३ वर्षिया सन्तु जेठारा, २२ वर्षिया गिरी जेठारा र १५ वर्षिया शान्ति जेठारा अझै सम्पर्क विहिन रहेको र हाल उनिहरुको खोजी कार्य भैरहेको वडाध्यक्ष बोहराले बताए ।
उनले भने ‘ अहिले दुर्गाथली र धोताको प्रहरी टोली पुगेको छ । र अहिले बेपत्ता भएकाहरुको खोजी कार्य भइरहेको छ ।’यद्यपी नेपाली सेना,ससस्त्र प्रहरी बल, तथा डिएसपी सहितको टोली अझै नपुगेको उनले बताए ।
उनका अनुसार उद्दारका लागि सुरक्षाकर्मी ढिलोगरी आउने खबर पाएसँगै स्थानीयले आफै उद्दार थालेका थिए । ‘पहिरोले १८ घर बगाएको छ । अन्य पशुचौपायाहरु पनि मरेका छन् ।’ उनले भने ‘पानी परेकाले उद्दारमा पनि समस्या परिरहेको छ ।
