महेन्द्रनगर । बिहीबार देशभर थप ४ सय ७३ जनामा कोरोना संक्रमण पुष्टि भएको छ ।
उनीहरुमध्ये ३ सय ४६ जना सुदूरपश्चिमको रहेका स्वास्थ्य तथा जनसंख्या मन्त्रालयले जनाएको छ ।
यो संगै प्रदेशमा जम्मा संक्रमितको संख्या २ हजार ९ सय ५७ पुगेको छ ।
काठमाण्डौं स्थित राष्टिय जनस्वास्थ्य प्रयोगशालामा गरिएको परिक्षणमा सुदूरपश्चिमका ३२० जना र धनगढी स्थित सेती प्रादेशिक प्रयोगशालामा गरिएको परिक्षणमा २६ जनामा कोरोना पुष्टि भएको हो ।
राष्ट्रिय जनस्वास्थ्य प्रयोगशालामा भएको परीक्षणमा कैलालीका ४० महिला र एक सय २५ पुरुष गरी एक सय ६५ जना, अछामका ५ महिला र २६ पुरुष गरी ३१ जना, बझाङका ११ महिला र २४ पुरुष गरी ३५ जना, डोटीका १० महिला र ४८ पुरुष गरी ५८ जना र कञ्चनपुरका ६ महिला र २५ पुरुष गरी ३१ जनामा कोरोना पुष्टि भएको स्वास्थ्य तथा जनसङख्या मन्त्रालयका प्रवक्ता डाक्टर जागेश्वर गौतमले बताए ।
यस्तै सेती प्रादेशिक अस्पतालमा बिहिवार भएको परीक्षणमा ८ महिला र १८ पुरुष गरी २६ जनामा कोरोना पुष्टि भएको सेती प्रादेशिक अस्पतालका सूचना अधिकारी दिलिप कुमार श्रेष्ठले बताए।
उनका अनुसार कैलालीको टीकापुरका १३ जना, कैलारीका दुई जना र भजनीका दुई जनामा कोरोना पुष्टि भएको हो ।
कञ्चनपुरको लालझाडीका दुई जना र भीमदत्तका एक जना तथा अछामको साँफेवगरका ६ जनामा कोरोना पुष्टि भएको श्रेष्ठले जानकारी दिए ।देशपाटी
