महेन्द्रनगर । जनबाहिनी नेपालका संयोजक शिरोमणी ओझाले कञ्चनपुरका संचारकर्मी र सुरक्षकर्मीलाई स्वास्थ्य सामाग्री सहयोग गरेका छन् ।
शनिबार एक कार्यक्रमका बिच संयोजक ओझाले जिल्लाका सक्रिय संचारकर्मी र कोरोना नियन्त्रणका निम्ती खटिएका सुरक्षाकर्मीलाई स्वास्थ्य सामाग्री सहयोग गरेका हुन् ।
कोरोनाले गर्दा विश्व नै त्रसित बनेको अवस्थामा पनि पत्रकारहरुले आम जनताहरुलाई सूचना प्रदान गरीरहेको र सुरक्षाकर्मीले पनि यस्तो महामारीमा सुरक्षा दिईरहेका हुदाँ उहाँहरुको स्वास्थ्य सुरक्षाका लागि केही आफुले सक्दो सहयोग गरेको संयोजक ओझाले बताए ।
उनले भने ‘समाचार संकलनका लागि पत्रकारहरु रातदिन खटिनु पर्ने र हाम्रो सुरक्षाका लागि सुरक्षकर्मीपनि रातदिन खटिने भएकोले उहाँहरुको स्वास्थ्य सुरक्षाका लागि माक्स,सेनिटाइजर, गलब्स लगाएतका स्वास्थ्य सामाग्री सहयोग गरेको हु ।’
संयोजक ओझाले निरन्तर यस्ता सामाजिक कार्य गर्दै आएका छनु ।
