महेन्द्रनगर । सुदूरपश्चिममा कोरोना संक्रमितको संख्या १ सय ४५ पुगेको छ । धनगढीस्थित कोरोना परीक्षण प्रयोगशालामा गरीएको परिक्षणमा थप ३७ जनामा कोरोना पुष्टि भएको छ ।
धनगढी स्थित सेती प्रादेशिक अस्पतालका अनुसार सोमवार संक्रमित हुनेमा कञ्चनपुरको पुनर्वास नगरपालीकाका १३ जना पुरुष, भीमदत्त नगरपालीकाका २ जना महिला, ३ जना पुरुष, शुक्लाफांटा नगरपालीकाका एक जना पुरुष, कैलालीको जानकी गाउँपालीकाका एक पुरुष रहेका छन् ।
त्यस्तै डडेल्धुराका अमरगढी नगरपालीकाका एक पुरुष, एक महिला, जोगबुडाका ३ जना पुरुष, नवदुर्गा गाउँपालीकाका २ जना पुरुष र दार्चुलाका लेकम गाउँपालीकाका एक पुरुष,महाकाली नगरपालीकाका एक पुरुष, शैल्यशिखर नगरपालीकाका ८ जना पुरुष रहेका छन् ।
अहिले उनिहरु स्वास्थ्यकर्मीको सम्पर्कमा रहेका र उनिहरुको स्वास्थ्य अवस्था सामान्य रहेको सेती प्रादेशिक अस्पतालले जनाएको छ ।
