सुर्खेत । कर्णाली प्रदेशमा मंगलबार थप २९ जना कोरोना भाइरस (कोभिड–१९)का संक्रमित थपिएका छन् । ती मध्य ९ जना अछाम जिल्लाका रहेका छन् ।
प्रदेश अस्पताल र पशुपन्छी रोग अन्वेषण प्रयोगशाला सुर्खेतमा गरिएको पीसीआर परीक्षणमा थप २९ जनामा कोरोना संक्रमण पुष्टि भएको हो ।
२९ जनामध्ये सुर्खेतका ११ जना, सल्यान र अछामका ९/९ जना रहेको सामाजिक विकास मन्त्रालय अन्तर्गतको जनस्वास्थ्य सेवा महाशाखा प्रमुख डा.लक्ष्मीनारायण तिवारीले जानकारी दिए ।
अछामको मंगलसेन नगरपालिका –४ का २३ वर्षीय पुरुष, मेल्लेख गाउँपालिका– ४ का २२, २४, २७,२९, ३५ र ४० वर्षीया पुरुष, २७ र ३० वर्षका महिलामा कोरोना पुष्टि भएको छ ।
त्यस्तै वीरेन्द्रनगर नगरपालिका–१ का १७ देखि ५० वर्षसम्मका ८ जना, वडानम्बर ३ का १४ देखि ३३ वर्षसम्मका ३ जना रहेका छन् ।
सल्यानको दार्मा गाउँपालिका–१ का ३६ र ४८ वर्षका दुई पुरुष, वडानम्बर २ का ३६ र ४८ वर्षका दुई पुरुष, वडानम्बर ३ का ३५ र ३९ वर्षका पुरुष, वडानम्बर ४ का ३८, ४० र ५० वर्षका ४ जना पुरुष रहेका छन् ।
नयाँ पुष्टि भएकाहरूसँगै कर्णालीमा कोरोना संक्रमितको संख्या २६२ पुगेको छ । अनलाइखबर
