महेन्द्रनगर । विश्व महामारीको रुपमा फैलीरहेको कोरोना भाइरस रोकथामका लागी देश एक महिना देखी लकडाउन गरीएको छ ।
लकडाउका कारण सबैको जनजीवन प्रभावित बनेको छ । काठमाण्डौँमा घर भाडा गरी बस्ने विद्यार्थी तथा दैनिक ज्याला मजदुरी गरी गुजार गर्ने बढी प्रभावित बनेका छन् ।
कैलाली निर्वाचन क्षेत्र नम्बर २ का संघिय सांसद झपट बहादुर रावलको पहलमा काठमाण्डौँमा घरभाडा गरी बस्ने कैलालीका विद्यार्थी जो घर जान चाहन्छन उनिहरुलाई घर ल्याउने तयारी गरीएको छ ।
सांसद रावलको पहलमा काठमाण्डौँमा घर भाडा गरी बस्ने घर जान चाहाने कैलालीका विद्यार्थीहरुलाई १४ दिन अनिवार्य होम क्वारेन्टाइनमा बस्ने सम्झौतमा घर लैजाले तयारी भैरहेको विद्यार्थी नेता रमेह बटालाले बताए ।
‘मंगलवार देखी हामीले काठमाण्डौँमा रहेका कैलालीका विद्यार्थी जो घर जान चाहन्छन ती विद्यार्थीहरुलाई हामीहरुलाई सम्पर्क गर्न भनिरहेका छौ ।’ विद्यार्थी नेता बटालाले भने ‘हाल सम्म १ सय ४ जना विद्यार्थीले सम्पर्क आएका छन् र अझै आउने क्रम जारी छ ।’
लकडाउका कारण विद्यार्थीहरु भोकै बस्न नपरोस भन्ने उद्देश्यले सांसद रावलको पहलमा उनिहरुलाई घर लैजाने तयारी भैरहेको विद्यार्थी नेता बटालाले जानकारी दिए ।
उनले भने ‘घर लैजाने तयारी भैरहेको छ, भोली वा पर्सी गाडी आउने भनिएको छ ।’
