कञ्चनपुर १८ असार
कञ्चनपुरका पत्रकार खेम भण्डारीलाई अदालतबाट भएको सजायको फैसला कार्यान्वयन गर्ने क्रममा प्रहरीले नियन्त्रणमा लिएको छ।
जिल्ला प्रहरी कार्यालय कञ्चनपुरका अनुसार बिहीबार भण्डारीलाई पक्राउ गरिएको हो। प्रहरीका प्रवक्ता तथा प्रहरी नायब उपरीक्षक (डीएसपी) टेकबहादुर रावतले भण्डारीविरुद्ध दर्ता भएको गालीगलौजसम्बन्धी मुद्दामा अदालतले यसअघि नै फैसला गरिसकेको जानकारी दिए।
अदालतको निर्णयअनुसार भण्डारीलाई एक महिना सात दिन कैद सजायका साथै जरिवानासमेत हुने आदेश भएको थियो। सोही आदेश कार्यान्वयन गर्न प्रहरीले उनलाई पक्राउ गरेको डीएसपी रावतले बताए।
प्रहरीले अदालतको आदेशअनुसार आवश्यक कानुनी प्रक्रिया अघि बढाइएको जनाएको छ। पक्राउसँगै भण्डारीलाई फैसला कार्यान्वयनका लागि सम्बन्धित निकायमा प्रस्तुत गर्ने प्रक्रिया सुरु गरिएको प्रहरीले जानकारी दिएको छ।
