कञ्चनपुर, मसिर २८
कञ्चनपुरकोे उत्तरी सामरिक महत्व राख्ने ब्रम्हदेबदेखि नेकपा बहुमतले जनसंघर्षको अभियान शुरु गरेको छ । ‘जनसंविधानका लागि जनसंघर्ष अभियान’ भन्दै नेकपा बहुमत कञ्चनपुरले आइतबार भीमदत्त नगरपालिका ९ ब्रम्हदेबदेखि अभियान शुरु गरेकोे हो । नेकपा बहुमत जिल्ला सेक्रेटरी नक्साल विष्टले क्रान्तिकारी किसान नेता सहिद भीमदत्त पन्तकोे सालिकमा माल्र्यापण गरेर अभियान शुरुवात गरिएको बताए । पछिल्ला दिनहरुमा जिल्लामा पालिका सरकार सहितका सरकारी, सार्वजनिक निकायमा भ्रष्टाचार बेथिति मौलाएको मुलुकमा अनेकन समस्या उत्पन्न भएकाले देश र जनताको हितका लागि अहिलेको संविधानले नभई जनसंविधानका लागि जिल्लाव्यापी संघर्ष गरिने घोषणा गरेका छन । कार्यक्रमका प्रमुख अतिथि समेत रहेका नेकपा बहुमत सुप ७नम्बर ब्यूरो इन्चार्ज डिडि पाण्डेयले दलाली संसदीय व्यवस्थाको अन्त्य र वैज्ञानिक समाजवादी व्यवस्थाको स्थापना गर्नका लागि संघर्ष गरिएको बताए । नेकपा बहुमत जिल्ला इन्चार्र्ज राम भट्ट(मिसन) सहितका नेता कार्यकर्ताहरुले अभियान सफल पार्ने सकल्प गरेका छन । जनमुखी संविधानका लागि जनसंघर्ष अभियानमा गोलबन्द हुन नेकपा बहुमतले कञ्चनपुर जिल्लाबासीमा आब्हान गरेको छ ।
