धन सिह धामी
कञ्चनपुर, २२ भदौँ ।
निर्माण व्यवसायी संघ कञ्चनपुरको अध्यक्षमा पुष्पराज अवस्थी निर्वाचित भएका छन । संघको १५औँ कार्यसमिति चयनका लागि शनिबार सम्पन्न भएको निर्वाचनबाट अध्यक्षमा अवस्थी निर्वाचित भएका हुन ।
अवस्थीले आफ्ना निकटतम प्रतिस्पर्धी निरञ्जन प्रशाद भट्ट १७मतको अन्तरले हराउँदै अध्यक्षमा निर्वाचित भएका हुन । अवस्थीले १सय ४८ र भट्टले १सय ३२ मत ल्याएका थिए । यस अघि १४औँ कार्य समितिका लागि २५ भदौँ ०७९मा सम्पन्न भएको निर्वाचनमा भट्टले अवस्थीलाई हराएका थिए । अध्यक्षका लागि प्रथम प्रयासमा भट्टसंग अवस्थी ४२मतले पराजित भएका थिए, भने अहिले अवस्थीसंग भट्ट १७मतले पराजित भएका हुन ।
बरिष्ठ उपाध्यक्षमा भट्ट प्यानलका देब बहादुर चन्द निर्वाचित भएका छन । चन्दले आफ्ना निकतमप्रतिस्पर्धी अमर बहादुर बमलाई ६२मतको अन्तरले हराउँदै बरिष्ठ उपाध्यक्षमा निर्वाचित भएका हुन । चन्दले १सय ६९ बमले १सय ७मत ल्याएका थिए । यस अघि सदस्य, उपाध्यक्ष, बरिष्ठ उपाध्यक्ष हुँदै भावि नेतृत्वकै प्रबल दाबेदारकै रुपमा हेरिन थालिएको छ ।
उपाध्यक्षमा भट्ट प्यानलका दीपक भट्टलाई अवस्थी प्यानलका यज्ञराज बैजले १६मतको अन्तरले हराउँदै उपाध्यक्षमा निर्वाचित भएका छन । भट्टले १सय ३२ र बैजले १सय ४८मत ल्याएका छन ।
महासचिवका अवस्थी प्यानलकै देवीदत्त भट्ट निर्वाचित भएका छन । उनले आफ्ना निकटतम प्रतिस्पर्धी योगेन्द्र बहादुर ठगुराठीलाई ५२मतको अन्तरले हराउँदै महासचिवमा निर्वाचित भएका हुन । भट्टले १सय ६६, ठगुराठीले १सय १४ मत ल्याएका छन ।
सहकोषाध्यक्षमा भट्ट प्यानलका हेम बहादुर महरा निर्वाचित भएका छन । उनले अवस्थी प्यानलका चित्र कार्की र स्वतन्त्र पदमराज भट्टलाई हराउँदै सहकोषाध्यक्षमा निर्वाचित भएका हुन ।
महराले भट्टलाई ५४, कार्कीलाई ७९मतको अन्तरले हराउँदै सहकोषाध्यक्षमा निर्वाचित भएका हुन । महराले १सय ३५, भट्टले ८१ र कार्कीले ५६ मत ल्याएका छन । महरा यस अघि सदस्यमा पराजित भएपछि सिधै अहिले पदाधिकारीमा हानिएका हुन । यस अघि भट्ट प्यानलबाट सचिवमा वृजिकिशोर चन्द, कोषाध्यक्ष तेज बहादुर चन्द निर्बिरोध निर्वाचित भएका थिए ।
सदस्य तर्फ पहिलो प्रयासमै नविन चन्द१५८मत ल्याएर निर्वाचित भएका छन । यस्तै दोस्रो प्रयासमा दिपक कार्की९दिपीन० १७०मत ल्याएर निर्वाचित भएका छन । यस्तै सदस्यहरुमा गणेश सुवेदी १९०, चन्द्रसिह कार्की १४३, मनिराम रेग्मी १४७, महेश जोशी १७२ र सन्तोष खत्री १५२मत ल्याएर सदस्यमा निर्वाचित भएका छन । संघमा कुल २९८मतदाता रहेका थिए । दोस्रो प्रयासमा संघको अध्यक्षमा निर्वाचित भएका पुष्पराज अवस्थीले अब संघलाई एकढिक्का मिलाएर सबै व्यवसायीहरुको व्यवसायिक हकहितमा अघि बढाउने प्रतिज्ञा गरेका छन । गृहमन्त्री समेत रहेका संघका पुर्व कानुनी सल्लाहकार रमेश लेखकको प्रमुख आथित्यमा अधिवेशन उद्घाटन गरिएको थियो । निर्वाचित पदाधिकारी सदस्यहरुलाई केही समयपछि पदभारदेखि प्रमाण पत्र प्रदान गरिने निर्वाचन समितिले जनाएको छ ।
