कञ्चनपुर २९ साउन ।
कञ्चनपुरको महेन्द्रनगरमा ओसिएन एजुगेशन फाउण्डेशन प्रशिक्षण केन्द्र संचालनमा आएको छ । भीमदत्त नगरपालिका ३महेन्द्रनगर भाँसीमा ओसिएन एजुगेशन फाउण्डेशन प्रशिक्षण केन्द्र संचालनमा आएको हो ।
काठमाण्डौँमा केन्द्रीय कार्यालय रहेको ओसिएनको बिहीबारदेखि भाँसी टनकपुर रोड क्षेत्र महेन्द्रनगरमा औपचारिक रुपमा संचालनमा आएको छ । ओसिएन एजुगेशन फाउण्डेशनका संचालक भक्त बहादुर धामीले सुदुरप्िरश्चम क्षेत्रका विद्यार्थीको सुविधालाई मध्य नजर गर्दैै भाषा प्रशिक्षण केन्द्र संचालनमा ल्याएको बताए ।
उनका अनुसार ७ बर्षदेखि काठमाण्डौँमा संचालनमा रहेको ओसिएनले हालसम्म दक्षिण कोरियामा एकसय, जापानमा २सय सहित अन्य मुलुकमा समेत विद्यार्थी पठाउन सफल भएको बताए ।
‘हामी उपत्यका बाहिर यस पटक पहिलो शाखा महेन्द्रनगरमा विस्तार गरेका छौँ, ‘उनले भने, ‘काठमाण्डौँको जस्तै सुदूरपश्चिम कञ्चनपुरमा पनि दिन्छौँ ।’ सस्तो शुल्क गुणस्तरिय शिक्षा प्रदान गर्ने संकल्प लिएको उनको भनाई छ । जापानीज, अष्टे«लिया, यूएसए, क्यानाडा, यूके, डेनमार्क, दक्षिण कोरियाको भाषा प्रशिक्षण हुनेछ ।
सुदूरपश्चिम प्रदेशका पुर्व आर्थिक मामिलामन्त्री एव सुप प्रदेश सभा सदस्य प्रकास बहादुर रावलले उद्घाटन गर्दै सीप, भाषा सिकेर मात्रै बैदेशिक रोजगारीमा जाँदा सहज हुने बताए ।
उनले सकभर स्वदेशमै रोजगारी खोज्नुपर्ने विदेश जानै परेपनि यस्ता भरपर्दा, विश्वासिता प्रशिक्षण केन्द्र मार्फत भाषा र सीप सिकेर जान सुझाव दिएका छन । बैदेशिक रोजगारी एव अध्ययनका लागि कञ्चनपुर सहित सुदूरपश्चिमबाट काठमाण्डौँमा जानुपर्ने बाध्यता हटेको छ । समाजसेवी गोपाल सिह धामीले ठुलो धनराशी खर्च गरेर काठमाण्डौँ लगायतका टाढा शहरमा गएर भाषा सिक्ने बाध्यता हटेको बताए ।
उनले घर आँगनमै बिदेशमा अध्ययन र रोजगारीका लागि ओसिएनले सहजता गर्ने बताए । भीमदत्त नगरपालिका ७का वडाध्यक्ष गणेश बहादुर चन्दले सीप र भाषा सिकेर बिदेशमा जाँदा दुख नहुने बताए । उद्घाटन कार्यक्रममा स्थानीय एव सरोकारवालाको सहभागिता रहेको थियो ।
