कञ्चनपुर, २७ जेठ ।
कञ्चनपुरको एक स्थानीय तहका जनप्रतिनिधीले रक्तदान गर्ने पुण्य कार्यलाई निरन्तरता दिएको छ । भीमदत्त नगरपालिका १८ का वडा सदस्य हेम बहादुर बस्नेतले अहिले सम्म ५४ औँ पटक रक्तदान गरे संगै आजको सहित ५५ औं पटक रक्तदान गरेको हो । ‘रक्तदान जिवन दान’ भन्ने सिद्धान्त अनुरुप वडा सदस्य बस्नेतले रक्तदान गर्दै आएका छन । वडा सदस्य हेम बहादुर बस्नेतले मंगलबार पनि नेपाल रेडक्रस सोसाईटी महेन्द्रनगर शाखामा रक्तदान गरेका छन ।
उनले आफुले तीन तीन महिनामा रक्तदान गर्दै आएको बताए । सम्भवत कञ्चनपुरमै सबैभन्दा बढि रक्तदान गर्ने वडा सदस्य बस्नेत नै भएको देखिन्छ । खेलाडी समेत रहेका वडा सदस्य बस्नेतले आफुले गरेको रक्तदान बाफत बिरामीलाई आवश्यक हुने भएकाले समाजिक कार्यका लागि रक्तदान गर्दै आएको बताए ।
