स्थानीय सेवा ऐन जारी गराउन कञ्चनपुरका निजामती कर्मचारीले प्रदेश सरकारलाई दवाव दिने

कञ्चनपुर, चैत्र २२ ।
स्थानीय सेवा ऐन जारी गराउनका लागि कञ्चनपुरका क्रियाशिल निजामती कर्मचारीहरुको टे«ड यूनियनले दवावमुलक कार्यक्रम गर्ने भएको छ । शुक्रबार जिल्लाका चार निजामती कर्मचारीहरुको टे«ड यूनियनको बैठकले ऐन जारी गराउन प्रदेश सरकारलाई दवाव दिने भएको हो । नेपाल निजामती कर्मचारी यूनियनका जिल्ला उपाध्यक्ष अनिल चन्दले निजामती कर्मचारी यूनियन सहित नेपाल राष्ट्रिय निजामती कर्मचारी संगठन, नेपाल निजामती कर्मचारी संगठन र एकीकृत सरकारी कर्मचारी संगठनले दवावमुलक कार्यक्रम गर्ने बतााए । नेपाल निजामती कर्मचारी संगठनका जिल्ला अध्यक्ष मान बहादुर चन्दले चैत्रभित्रै चारै संगठनले प्रदेश सरकारलाई ऐन जारी गराउन संयुक्त रुपमा ज्ञापन पत्र बुझाउने बताए । नेपाल राष्ट्रिय निजामती कर्मचारी संगठनका केन्द्रीय सदस्य कृष्ण विष्टले कर्मचारीहरुको हकहितका लागि संयुक्त रुपमा प्रदेश सरकारलाई दवाव आवश्यक रहेको औल्याए । सुप प्रदेश सरकारले ल्याएको स्थानीय कर्मचारीको सेवा सर्तका ऐन संसदबाट पारित गराउन पक्ष विपक्षमा आवाज उठ्दै आएको छ ।