कञ्चनपुर ७ असार
भीमदत्त नगरपालिका वडा नम्बर १८ की निर्वाचित वडा सदस्य रुपा जैरु लागुऔषधसहित पक्राउ परेकी छन ।
लागुऔषध नियन्त्रण ब्युरो शाखा कार्यालय महेन्द्रनगरको टोलीले शनिबार दिउँसो करिब ३ बजे भीमदत्त नगरपालिका वडा नम्बर १८ स्थित साधारण स्कुल अगाडिबाट जैरुलाई पक्राउ गरेको हो । प्रारम्भिक जानकारी अनुसार उनको साथबाट ३० थान प्रतिवन्धित औषधी एम्पुल बरामद गरिएको प्रहरीले जनाएको छ ।
विशेष सूचनाको आधारमा खटिएको टोलीले शंकास्पद अवस्थामा रहेका जैरुको जाँच गर्दा लागुऔषध फेला परेपछि नियन्त्रणमा लिएको बताइएको छ । पक्राउ परेकी जैरुमाथि लागुऔषध सम्बन्धी कसुर अन्तर्गत अनुसन्धान प्रक्रिया अगाडि बढाइएको छ ।
फोटो क्याप्सन : ए आई
