कञ्चनपुर २४ जेठ
कञ्चनपुरको होली फेम्ली ईङलिश मिडियम स्कुलमा आयोजना गरिएको भीमदत्त नगर स्तरिय अन्तर माध्यमिक विद्यालय टि २० क्रिकेट प्रतियोगिताको उपाधी मोर्निङ ग्लोरी स्कुलले जितेको छ ।
कञ्चनपुरको होली फेम्ली ईङलिश मिडियम स्कुलमा आयोजना गरिएको भीमदत्त नगर स्तरिय अन्तर माध्यमिक विद्यालय टि २० क्रिकेट प्रतियोगिताको उपाधी मोर्निङ ग्लोरी स्कुलले जितेको हो । होलि फेम्ली इङलिस बोर्डिङ स्कुलको आयोजना , भीमदत्त नगरपालिका सह आयोजनामा थगा कञ्चनपुर जिल्ला क्रीकेट संघको प्राविधिक सहयोगमा भीमदत्त नगर स्तरिय माध्यमिक तह विद्यालय स्तरीय टी २० पुरुष क्रीकेट प्रतियोगिता २०८३ को फाइनलमा इन्टरनेशनल पब्लिक स्कुल र मर्निङ गोलोरी स्कुलका बीच भएको खेलमा मर्निङ ग्लोरी स्कुलले पहिलो ब्याटिङ गर्दै १० विकेटको क्षतिमा ९९ रन बनाउदै १०० रनको लक्ष्इ दिएको थियो । दोस्रो इनिङ्सको लागि इन्टरनेसनल पब्लिक स्कुलले १०० रनको लक्ष्य पछ्याउने क्रममा सबै बिकेट गुमाउदै अल आउट हुँदा ८६ रन मात्र वनाउन सफल रहेको थियो । १४ रनले उपाधी जित्न सफल मोर्निङ ग्लोरी स्कुलले नगद रु ५१ हजार १ सय ११ सहित ट्रफी, मेडल र प्रमाणपत्र प्राप्त गरेको छ भने उपविजेता टोली इन्टरनेशनल पब्लिक स्कुलले नगद रु ३१ हजार १ सय ११ सहित ट्रफी, मेडल र प्रमाणपत्र हात पारेको छ ।फाइनल खेलका “म्यान अफ द म्याच” मोर्निङ्ग ग्लोरिका लब ओखेडा भएका छन भने बेष्ट बलरमा इन्टरनेसनलका प्रीन्स भण्डारी, बेष्ट फिल्डर मोर्निङ्ग ग्लोरीका निर्मल पाल, “म्यान अफ द सिरिज” शान्ती निकेतन माध्यमिकका इशान दौल्याल उदीयमान खेलाडिमा होलि फेम्लिका तप्पन अवस्थी खेलाडी छनौट भएका छन सबैलाई नगदसहित ट्रफी प्रदान गरिएको छ ।
हरेक वर्ष विभिन्न खेलकुद प्रतियोगिता आयोजना गर्दै आएको होली फेम्ली ईङलिश मिडियम स्कुलले खेलाडिहरुका लागी निशुल्क तालिमहरु समेत सञ्चालन गर्दै आएको छ । विद्यालयले प्रतियोगितामा खेल सामग्री खरिद गर्न नसक्ने विद्यार्थीहरुका लागी निशुल्क खेल सामग्री समेत उपलव्ध गराएको थियो ।
