कञ्चनपुर ०८ चैत्र
जापान कराते डो कोशिकाई सितोरियो संघ नेपालले कञ्चनपुरमा प्रथम राष्ट्रिय रेफ्री सेमिनार २०८३ सम्पन्न गरेको छ ।
जापान कराते डो कोशिकाई सितोरियो संघ नेपालले कञ्चनपुरमा प्रथम राष्ट्रिय रेफ्री सेमिनार सम्पन्न गरेको हो । यहि जेठ ६ गते देखि कञ्चनपुरको मेहन्द्रनगरमा शुरु भएको प्रथम राष्ट्रिय रेफ्री सेमिनार २०८३ शुक्रवार सम्पन्न भएको हो । तीन दिनसम्म सञ्चालन भएको उक्त सेमिनार बाट २० जना प्रशिक्षार्थीहरुले सफलता प्राप्त गरेका छन । करातेको ईतिहासमा महासंघ संगै संघ पनि वलियो हुने हुदा जापान कराते डो कोशिकाई सितोरियो संघ नेपालले राष्ट्रिय रेफ्री सेमिनार आयोजना गरेको जापान कराते डो कोशिकाई सितोरियो संघ नेपालका केन्द्रीय महासचिव ग्राण्ड मास्टर हन्सी अभिषेक सिंहले वताउनु भएको छ । साथै उहाले खेलकुद क्षेत्रलाई थप व्यवस्थित, प्रतिस्पर्धात्मक र व्यावसायिक बनाउँदै खेललाई खेलकै दृष्टिकोणबाट अगाडि बढाउने उद्देश्यसहित कार्यक्रम आयोजना गरिएको समेत वताउनु भयो ।
प्रथम राष्ट्रिय रेफ्री सेमिनार २०८३ को समापन समारोहमा प्रमुख अतिथी रहेका जिल्ला समन्वय समिती कञ्चनपुरका प्रमुख दुर्गादत्त वोहराले प्रशिक्षित रेफ्रीहरुलाइृ प्रमाणपत्र, टाई र व्याच वितरण गर्दै शुभकामना दिनु भएको थियो । कार्यक्रममा वरिष्ट कराते प्रशिक्षक विमल खडायत , ओलम्पियन डम्मर भट्ट, लगायत जापान कराते डो कोशिकाई संघका खेलाडिहरुको उपस्थिती रहेको थियो ।
