फ्रि टेस्टिङ्ग संगै ककालु मार्टको फाष्टफुड सञ्चालनमा

कञ्चनपुर ०२ बैशाख ।
कञ्चनपुरमा रहेको एक जना मार्ट व्यवसायीले नयाँ सेवासुविधाको साथमा फास्टफुड सञ्चालनमा ल्याएको छ ।
भीमदत्त नगरपलिका ०४ स्थित रहेकोे ककालु मार्टले ककालु फाष्ट फुड सञ्चालनमा ल्याएको हो । नयाँ बर्षलाई मध्य नजर गर्दै सेवाग्राहीहरुको माग अनुसार मंगलबार देखी ककालु मार्टले ककालु फाष्ट फुड सञ्चालनमा ल्याएको उक्त व्यवसायका सञ्चालक जितेन्द्र चन्दले बताएका छन । फास्टफुडका सञ्चालक चन्दका अनुसार ‘बेलुका ५ बजे देखि राति ९ बजे सम्म फाष्ट फुड सेवा प्रदान गरिने छ ।’
थ्रि स्टार फुड प्रा.लि. बाट उत्पादित भएका परिकारहरुको स्वाद मंगलबार २ गते निःशुल्क रुपमा सेवाग्रहीहरुलाई उपलब्ध गराएका थिए जसमा आईसक्रिम, विभिन्न प्रकारका ससेज, मः म रहेका थिए । सेवाग्रहीहरुले उक्त परिकार स्वादिष्ट रहेको बताए । ककालु फाष्ट फुडमा थ्रि स्टार फुड कम्पनीका परिकार रहेन छन् जुन स्वादको साथै पौष्टीक आहारको रुपमा पनि रहने सञ्चालक चन्दले बताए ।
हजुरआमा कलावती चन्द र हजुरवुवा कालु चन्दको नाम बाट सञ्चालनमा ल्याएको ककालु मार्टले विगत लामो समय देखि सेवा दिदै आएको छ । कोरोना कालमा पनि स्थानिय जनतालाई सेवा दिएको, उक्त मार्टले नयाँ वर्ष सँगै हालै निर्माण गरेको बैजनाथ माध्यमिक विद्यालयको सटरबाट सञ्चालन गर्ने भएको छ ।