राष्ट्रिय परीक्षा बोर्डको वेबसाइटमाथि साइबर आक्रमण, ह्याकरले लिए जिम्मेवारी
काठमाडौं: एक ह्याकर समूहले राष्ट्रिय परीक्षा बोर्डको वेबसाइटमाथि साइबर आक्रमण गरेको दाबी गरेको छ। शनिबार राति टेलिग्राममार्फत ‘एनोनिमस नेपाल’ नामक ह्याकर समूहले बोर्डको वेबसाइट (neb.gov.np) डाउन गरेको जनाएको हो।
ह्याकर समूहले ‘बोटनेट अट्याक’ विधि प्रयोग गरेर वेबसाइटलाई अवरुद्ध पारेको बताएको छ। समूहका एक सदस्यले रमाइलोका लागि यस्तो गरेको दाबी गरेका छन्। यसैगरी, उनीहरूसँग केही विद्यालयको लगइन विवरण पनि रहेको दाबी गरिएको छ।
आइतवार बिहानसम्म बोर्डको वेबसाइटमा प्रवेश गर्दा ‘फर्बिडन, यु डन्ट ह्याभ पर्मिसन टु एक्सेस दिस रिसोर्स’ र पछि ‘दिस साइट कान्ट बि रिच्ड’ भन्ने सूचना देखिएको थियो।
बोर्डका अधिकारीहरूले वेबसाइटमा देखिएको समस्याको कारणबारे अनभिज्ञता व्यक्त गरेका छन्। बोर्डकी एक प्रतिनिधिले वेबसाइट बनाउने निकायबाटै समस्या आएको सुन्नमा आएको बताइन्। वेबसाइट अवरुद्ध हुँदा बोर्डको काम कारबाहीमा बाधा पुगेको छ।
कुन शीर्षक रोज्ने ?
