महिलाहरुको हक अधिकार र सुरक्षाकोलागि पैरवी गर्दै आएको संजीवनी नेपालले महिला हक अधिकार सहित वातावरण संरक्षण सम्बन्धी कार्यक्रम सञ्चालन गरेको छ । वातावरण संरक्षणका लागी संजीवनी नेपालले भीनपाका १९ वटै वडामा डिसिए नेपालको आर्थिक सहयोगमा गरपालिका संग सहकार्य गरेर महलिा समुह मार्फत वृक्षा रोपण गर्ने भएको छ ।
प्रत्येक वडामा ३० देखि ३५ जना सम्म महिला सञ्जाल बनाई १९ वटै वडामा करिब १८५ जनाको सञ्जाल बनाईको संञ्जीवनी नेपालकी कार्यकारी निर्दशक नितु भट्टले बताउनु भयो । सोही सञ्जालको माध्यमबाट भीनपामा रहेका महिला संरक्षण र जलवायू परिवर्तन सम्बन्धी रोकथामकोलागि अघी बढने अध्यक्ष भट्टले बताउनु भयो ।
मंगलबार भीनपा – २ बाट उक्त कार्यक्रमको शुभारम्भ समेत गरिएको छ । वडामा करिब ५० वटा विरुवा रोपेर कार्यक्रमको शुभारम्भ गरिएको हो भने दैनिक एक वडामा वृक्ष रोपण गरी भाद्र महिना भरिमा १९ वटै वडामा वृक्ष रोपण गरिने कार्यकारी निर्दशक भट्टले जानकारी दिनु भयो ।
संजीवनी नेपालले असार २२ गते देखि २४ गते सम्म परेको अविरल वर्षाका कारण विपदमा परेका परिवारलाई राहत समेत दिएको छ ।
