कञ्चनपुर – पर्यावरण संरक्षणका लागी कञ्चनपुरको भम्केनी धाम तथा नागार्जुन मन्दिर परिसरमा वृक्षारोपण गरिएको छ ।
सोमवार मैनादेवी फाउन्डेसन, नेपाल टेलकम, रुटिन अफ नेपाल बन्दको आयोजना तथा नागार्जुन इंङ्गलिस बोर्डिङ स्कुल तिलाचौरको सहकार्यमा कञ्चनपुरको धार्मिक पर्यटकीय स्थल भम्केनी धाम तथा नागार्जुन मन्दिर परिसरमा वृक्षारोपण गरिएको हो ।
पर्यावरण संरक्षण गर्दै हरियाली बनाउने लक्ष्यका साथ विभिन्न फलफूलका बिरुवाहरू रोपिएको नागार्जुन इंङ्गलिस बोर्डिङ स्कुल तिलाचौरका सञ्चालक भवान सिह विष्टले बताएका छन्। प्रकृतिले हामीलाई धेरै कुरा दिन्छ तर हामीले प्रकृतिलाई केही दिन नसके पनि पर्यावरण संरक्षणका लागी केही गरौँ भन्ने उद्देश्यले वृक्षारोपण कार्यक्रमको आयोजना गरिएको उनको भनाई रहेको छ। 
देशको हरियाली भविष्य र हाम्रो स्वस्थ जीवनको लागी सबैले आआफ्नो क्षेत्र बाट रूख रोपेर प्रकृतिलाई जोगाउनु पर्छ भन्दै अमला, अम्वा, कागती, कोइरालो लगायतका दुई सय वटा बिरुवाहरू रोपिएको बताइएको छ ।
