कञ्चनपुरको बेलौरी नगरपालिकाको नगर सभा सम्पन्न

कञ्चनपुरको बेलौरी नगरपालिकाले आगामी आर्थिक वर्ष २०८१/०८२ का लागि ७८ करोड २ लाख ७० हजार बराबरको बजेट पारित गरेको छ ।


नगर प्रमुख पोतिलाल चौधरीको अध्यक्षतामा आयोजना गरिएकोे तेह्रौँ नगर सभामा नगर प्रमुख चौधरीले नीति तथा कार्यक्रम प्रस्तुत गर्नु भएको थियो भने नगर उपप्रमुख जोगराम चौधरीले बजेट प्रस्तुत गर्नु भएको थियोे ।
आर्थिक वर्ष २०८१।०८२ को नीति तथा कार्यक्रम र बजेटमा नगरपालिकाले शिक्षा, स्वास्थ्य र कृषि तथा स्वरोजगारमूलक कार्यक्रमका लागि नगर उद्यमशीलतालाई प्राथमिकतामा राखेको छ ।

नगर सभामा नीति तथा कार्यक्रम प्रस्तुत गर्दै नगर प्रमुख पोतिलाल चौधरीले आर्थिक वर्ष २०८१।०८२ भित्र बेलौरी भित्री चक्रपथ निर्माणलाई निरन्तरता दिदै बाहिरी चक्रपथ निर्माणलाई नगरको गौरवको आयोजनाका रुपमा अघि सार्ने, सबै वडाका मुख्य सडकहरूलाई कालोपत्रे गर्ने, नगर प्रमुख सुरक्षित आवास कार्यक्रमलाई निरन्तरता दिइने, बेलौरी छोटी भन्सारको स्तरोन्नतिका लागि सङ्घीय सरकारसँग पहल गरिने, विद्यार्थीहरूको कक्षागत तथा विषयगत नतिजा सुधारका लागि विद्यालयको संस्थागत क्षमता विकासका कार्यक्रमलाई प्राथमिकता राख्ने योजना ल्याउनु भउको छ ।

यसै गरि नगर सभामा बजेट विवरण प्रस्तुत गर्दै बेलौरी नगरपालिकाका नगर उपप्रमुख जोगराम चौधरीले आगामी आर्थिक वर्षमा रिङ रोडको निर्माण कार्य गरिने, वडा कार्यालयका प्रशासनीक भवन निर्माण , अक्सिजन प्लान्ट निर्माण, १५ शय्याको अस्पताल निर्माण, बेलौरी नगरपालिका लालझाडी गाउँपालिका र बेलडाँडी गाउँपालिकाको सहकार्यमा दमकल खरिदका लागि आवश्यक पहल गर्ने, बेलौरी नगरपालिका र लालझाडी गाउँपालिकाको सहकार्यमा फोहोरमैला व्यवस्थापन लगायतका विषय लाई बजेटमा प्राथमिकता दिनु भएको छ । बेलौरी नगरपालिकाको तेह्रौँ नगर सभामा प्रस्तुत आगामी आर्थिक वर्ष २०८१।०८२ को नीति, कार्यक्रम तथा बजेट सर्वसम्मतीले पारित समेत गरिएको छ ।

ताजा खबर

पर्यावरण संरक्षणका लागी भम्केनी धाममा वृक्षारोपण

कञ्चनपुर - पर्यावरण संरक्षणका लागी कञ्चनपुरको भम्केनी धाम तथा नागार्जुन...

वास्तविक भूमिहिन वस्तिमा डोजर नचलाउन भुमिहीन सुकुम्बासी, मजदुर तथा खोकाछाप्रा पीडितकाे माग

कञ्चनपुर-वास्तविक भूमिहिन वस्तिमा डोजर नचलाउन भुमिहीन सुकुम्बासी, मजदुर तथा...

जोगबुढा नदीको विचको भाग सफाई गरिदिन सुन्दरनगरका स्थानीयहरुकाे माग

कञ्चनपुर-दोधारा चादनी नगरपालिका वडा नम्वर ८ सुन्दरनगरका स्थानीयहरुले लामो...

दोधारा चाँदनीमा बाढीले विद्यार्थी प्रभावित : २ हजार विद्यार्थी खाली हात विद्यालय

कञ्चपुर  - कञ्चपुरको दोधारा चाँदनी नगरपालिकामा २ हजार बढी...

प्रधानमन्त्री ओलीले गरे २२ सदस्यीय मन्त्रिपरिषद गठन,

३१  असार, काठमाडौं । प्रधानमन्त्री केपी शर्मा ओलीले २२...

Website developed by:

spot_img

छुटाउनु भयो कि ?