महेन्द्रनगर ।कञ्चनपुरको खप्तड कृषि सहकारीले दुध व्यवशायलाई सुदृढ गर्न किसानहरुलाई मिल्क क्यान वितरण गरेको छ । कञ्चनपुरको भीमदत्त नगरपलिका वडा नम्वर १० मा रहेको खप्तड कृषि सहकारी संस्थाले दुग्ध उत्पादक किसानहरु लाई मिल्क क्यान (दुध हाल्ने भाडो) वितरण गरेको हो ।
अहिले जताततै महङ्खी बढिरहेको वेला सहकारीले किसानहरुको मनोवल बढाउन सानै भएपनी सहयोग गरेकोमा किसानहरुले समेत खुशि व्यक्त गरेका छन । आगामी दिनहरुमा समेत घासको विँउ, पशुहरुको लागी भिटामीन, क्याल्सियम तथा खोपहरु उपलव्ध गराउन सके अझै राम्रो हुने किसानहरुको भनाई रहेको छ ।
ग्रामिण भेगका दुध उत्पादक किसानहरुले कहिले कोकको बोतल, कहिले मिनरल वाटरको बोतल लगायतमा दुध लिएर डेरी सम्म आउने गरेकोमा सबै किसानहरुमा एकरुपता ल्याउन र उनीहरुलाई प्रोहत्सान गर्न मिल्क क्यान वितरण गरीएको खप्तड कृषि सहकारी संस्थाका अध्यक्ष पुर्ण वहादुर साउदले वताउनु भयो । साथै उहाले आगामी दिनहरुमा समेत संस्थाले विभिन्न कार्यक्रमहरु मार्फत सिकसानहरु लाई सहयोग गर्ने पनी वताउनु भयो ।
सुदुरपश्चिम प्रदेश सरकारले दुग्ध व्यवशायका लागी सहकारी संस्थालाई दिएको अनुदानको तिन लाख साठी हजार रकम मार्फत भीमदत्त नगरपालिका वडा नम्वर ८, ९ र १० का किसानहरु लाई ५ लिटर र १० लिटर क्षमताका ३५५ थान मिल्क क्यान (दुध हाल्ने भाडो) वितरण गरेको हो । विगतका दिनहरुमा भारतीय व्यापारीहरुले सस्तो मुल्यमा दुध खरिद गर्दै आएकोमा सहकारी मार्फत दुध संकलन हुन थालेपछी यस भेगका पशुपालन गर्ने किसानहरुलाई राहत महसुस भएको छ ।
