बैतडीको पाटनमा मतपेटिका पुर्याएर फर्किंदै गरेको प्रहरी सवार जिप दुर्घटना भएको छ । पाटन नगरपालिकाको थुम भन्ने स्थानमा आज बिहान साढे ६ बजेतिर जिप दुर्घटना भएको हो ।
जिप सडकबाट करिब २ सय मिटर तल खसेको छ । उक्त जिपमा १२ जना सवार थिए । जिल्ला प्रहरी कार्यालयबाट प्रहरी निरीक्षक लोकराज जोशीको टोली घटनास्थलतर्फ गएको प्रहरीले जनाएको छ। ‘गाडी सडकबाट खोलामा खसेको छ, ४/५ जना अचेत अवस्थामा छन्, मृत्यु भए/नभएको पुष्टि हुन सकेको छैन,’ पाटन नगरपालिका–४ का वडाध्यक्ष दीपक विष्टले भने।
घाइते ६ जनालाई उपचारका लागि पाटनस्थित अस्पताल पठाइएको छ।दुर्घटनाको विस्तृत विवरण आउन बाँकी छ ।