जोगबुढामा पक्कीपुल र तटबन्ध निर्माण गर्ने एमाले उम्मेदवार विष्टको प्रतिवद्धता

महेन्द्रनगर । कञ्चनपुर निर्वाचन क्षेत्र नम्बर ३ ख का उम्मेदवार सुरेन्द्र विष्टले दोधरा चाँदनीको जोगबुढामा पक्की पुल निर्माण गरिने बताएका छन् । नेकपा एमालेतर्फका उम्मेदवार रहेका विष्टले दोधराचाँदनी–८ सुन्दरनगरमा चुनावी सभालाई सम्बोधन गदैँ यस्तो प्रतिवद्दता व्यक्त गरेका हुन् ।
नेकपा एमाले नेतृत्वको सरकारको समय डिपिआर तयार भएकोले चाँडै जोगबुढा नदीमा पक्की पुल निर्माण कार्यलाई निरन्तरता दिने उनको भनाई छ । त्यस्तै जोगबुढामा पक्की तटबन्ध निर्माण गरिने पनि उनले बताए ।
‘अहिले यहाँ माझ आउँदा झुलुङ्गे पुलबाट आएको छु ।’ उनले भने ‘तपाईहरुले यस क्षेत्रबाट जिताएर पठाउनु भयो भने अर्का पटक पक्की बनाएर फर्किने छु ।’
भीमदत्त नगरपालिकाका निवर्तमान मेयर समेत रहेका विष्टले खैरभट्टी कुतियाकभर विकास मोडेलको रुपमा अघि बढाएका छन् ।
उनले सीमा समस्या समाधान पुर्वाबार विकास र पर्यटनको व्यवसायिकरण योजना बनाएका छन् ।
नेकपा एमाले राष्ट्रवादी भएको बताउँदै उनले पार्टी नेतृत्वको सरकार बने सीमा समस्या समाधान गरिने बताए ।
त्यस्तै उनले दोधराचाँदनीमा रहेको रहेको स्वास्थ्य चौकीलाई अस्पतालको रुपमा विकास गरिने बताए ।
त्यस्तै कृषियान्त्रीकरणसँगै प्रवल खेतीलाई व्यवसायिकरण र त्यसको बजारिकरण गरिने प्रतिवद्धता व्यक्त गरे । उनले ‘दोधराचाँदनीबाट एउटै व्यक्ती १८ वर्षसम्म सांसद, मन्त्री भए तर सय मिटर मात्रै कालोपत्रे भयो ।’ उनले भने ‘पछिल्लो पाँच वर्षमा एमाले नेतृत्वको सरकारले यस क्षेत्रमा गरेको विकासका कामहरुबारे तपाईहरु जानकार नै हुनुहुन्छ ।’
त्यस्तै उम्मेदवार विष्टले पटक–पटक चुनाव जितेकाले दोधराचाँदनीको विकास गर्न नसकेकोले आफु यस क्षेत्रमा चुनाव लड्न आएको स्पष्ट समेत पारेका छन् ।
त्यस्तै एमालेले दोधराचाँदनी सुक्का बन्दरगाह निर्माण, महाकाली र जोगबुढामा पक्की तटबन्ध, महाकाली नदी र शुक्लाफाँटालाई पर्यटकीय क्षेत्रको रुपमा विकास गरिने प्रतिवद्धता जनाएको छ । बाबाथानलाई सीमा क्षेत्रको व्यवस्थीत सहर बनाउने पनि एमालेको योजना छ ।

ताजा खबर

शुक्लाफाँटामा अघि बढ्यो फोहर व्यवस्थापन निर्माणको काम

झलारी। शुक्लाफाँटा नगरपालिकामा एकिकृत फोहर व्यवस्थापन केन्द्र निर्माणको काम...

शुक्लाफाँटामा व्यवसाय सचेतना तालिम सुरु

झलारी। शुक्लाफाँटा नगरपालिकाको आयोजनामा ८ दिने उद्यमशिलता विकास तथा...

शुक्लाफाँटा नगरपालिकाका सामुदायिक विद्यालयहरुमा अतिरिक्त कक्षा संचालनमा

झलारी। शुक्लाफाँटा नगरपालिकाका सामुदायिक विद्यालयहरुमा संचालित अतिरिक्त कक्षाको अनुगमन...

शुक्लाफाँटा–१० का ४० परिवारको निशुल्क स्वास्थ्य बिमा

झलारी। शुक्लाफाँटा नगरपालिका–१० को कार्यालयले ४० परिवारको निःशुल्क स्वास्थ्य...

मणिकाधामलाई धार्मिक पर्यटकीय स्थलका रुपमा विकास गर्छौः नगर प्रमुख महरा

झलारी। शुक्लाफाँटा नगरपालिका–८ स्थित मणिकाधामलाई धार्मिक पर्यटकीय स्थलको रुपमा...

Website developed by:

spot_img

छुटाउनु भयो कि ?