श्री राष्ट्रिय बहुभाषिक आधारभूत विद्यालय देखतभुलीमा शिक्षक अभिभावक सङ्घ र विद्यालय व्यवस्थापन समितिको क्षमता विकास तथा अन्तरकृया कार्यक्रम सम्पन्न

श्री राष्ट्रिय बहुभाषिक आधारभूत विद्यालय देखतभुलीमा शिक्षक अभिभावक सङ्घ र विद्यालय व्यवस्थापन समितिको क्षमता विकास तथा अन्तरकृया कार्यक्रम सम्पन्न भएको  छ ।
मंगलवार लालझाडी गाउँपालिका आधारभूत तथा माध्यमिक शिक्षा शाखा को आयोजनामा लालझाडी गाउँपालिका वडा नम्बर पाँच स्थित राष्ट्रिय बहुभाषिक आधारभूत विद्यालय देखतभुलीमा शिक्षक अभिभावक संघ एवं विद्यालय व्यवस्थापन समितिको क्षमता विकास तथा अन्तरक्रिया कार्यक्रम सञ्चालन गरिएको छ। विद्यालय व्यवस्थापन समितिका र शिक्षक अभिभावक संघलाई सक्रिय बनाउँदै गाउँपालिकाको समग्र शिक्षा क्षेत्रको वस्तुस्थितिको बारेमा जानकारी लिने र आगामी दिनहरुमा शिक्षा क्षेत्रमा गर्न सकिने साकारात्मक प्रयासहरूका बारेमा छलफल गर्ने उद्देश्यले अन्तरक्रिया कार्यक्रम गरिएको गाउँपालिकाका प्राविधिक सहायक कुबेर बहादुर बमले बताउनुभयो। कार्यक्रममा मुख्य वक्ताको रुपमा रहनुभएका गाउँपालिका अध्यक्ष मदन सेन बडायकले विद्यार्थीहरूको समग्र वस्तुस्थितिको बारेमा शिक्षक र अभिभावकहरुलाई थाहा हुने भएकोले कार्यक्रम निकै उपलब्धिमूलक रहने बताउनुभयो।
गाउँपालिकाको पहिलो प्राथमिकता शिक्षा क्षेत्र रहेको भन्दै आमूल परिवर्तनका निम्ति विद्यालय शिक्षालाई व्यावहारिक र उपलब्धिमूलक बनाउनका निमित्त आफूहरु लागिपरेको अध्यक्ष बडायकले बताउनुभयो।
कार्यक्रममा उपस्थित अभिभावकहरुले विद्यार्थीहरूको समस्या र समाधानका उपायका बारेमा धारणा राखेका थिए ।
विद्यालय व्यवस्थापन समिति, स्थानीय सरकार , अभिभावक , शिक्षक र विद्यार्थी सबैमा सकारात्मक सोचको विकास गर्नका निम्ति आफूहरु प्रयासरत रहेको गाउँपालिका शिक्षा शाखा प्रमुख सिद्दराज भट्टले बताउनुभयो।
यसका अतिरिक्त गाउँपालिकाको तर्फबाट निःशुल्क शिक्षक सेवा आयोग का कक्षाहरु समेत धमाधम रूपमा चलिरहेका छन्। आगामी दस वर्षभित्र अन्तर्राष्ट्रियस्तरमा प्रतिस्पर्धा गर्नसक्ने शिक्षक र विद्यार्थी उत्पादन गर्ने लक्ष्य अनुरुप दस वर्षे कार्ययोजना बनाई गाउँपालिका अगाडि बढेको छ।
कार्यक्रममा वडा नं ५ का दुई वटा र वडा नं ४ का दुई गरि ४ वटा विद्यालयका झण्डै ४०जना वि व्य स तथा शि अ सं पदाधिकारीहरूको सहभागिता रहेको थियो। उक्त क्षमता विकास तथा अन्तरक्रिया कार्यक्रम गाउँपालिका अन्तर्गत संचालित सबै सामुदायिक विद्यालयहरुमा सञ्चालन हुने प्राविधिक सहायक कुबेर बहादुर बमले बताउनु भयो।

ताजा खबर

लियो जिल्ला परिषद् ३२५ ‘एन’ को लोगो तथा नारा सार्वजनिक

कञ्चनपुर -  लियो जिल्ला परिषद् ३२५ ‘एन’ का नवनिर्वाचित...

भन्सार छलीको सामान वरामद

कञ्चनपुर - कञ्चनपुर प्रहरीले ७ लाख ५८ हजार ८...

महेन्द्रनगर बाट धनगढी गईरहेको विङ्गर दुर्घटना

कञ्चनपुर - कञ्चनपरको महेन्द्रनगरबाट धनगढीतर्फ गइरहेको विङ्गर दुर्घटनामा परेको...

सरकारले पेट्रोलको मुल्य घटाएर ,काठमाडौंमा निजी  पेट्रोल पम्पमा पेट्रोल अभाव 

सरकारले पेट्रोलको मुल्य घटाएर ,काठमाडौंमा निजी  पेट्रोल पम्पमा पेट्रोलको ...

महिला उद्घघोषण तथा घघरीया तथा अंगिया सम्बन्धी पुनर्ताजगी तालिम सम्पन्न

कञ्चनपुर - कञ्चनपुरको कृष्णपुरमा महिला उद्घघोषण तालिम तथा छोटो...

Website developed by:

spot_img

छुटाउनु भयो कि ?