कञ्चनपुरका विभिन्न स्थानीयतहहरु र राष्ट्रिय भूमि आयोग बिच कार्यसहमति पत्रमा सम्झौता भएको छ ।
भुमि सम्बन्धी समस्या समाधानका लागि गठित आयोगका विज्ञ सदस्य र कञ्चनपुरका पाँच वटा स्थानीय तहका प्रमुख विच कञ्चनपुरको महेन्द्रनगरमा कार्यसहमति पत्रमा हस्ताक्षर भएको हो । विहिवार राष्ट्रिय भूमि आयोगका कञ्चनपुर जिल्ला अध्यक्ष देवेन्द्र ढुंगानाको अध्यक्षतामा भएको एक कार्यक्रमका विच कञ्चनपुरका भीमदत्त नगरपालिका, शुक्लाफाटा नगरपालिका, पुनर्वाश नगरपालिका , लालझाडि गाँउपालिका र वेलडाडि गाँउपालिका विच अव्यवस्थित बसोबास, सुकुम्बासी र भुमिहिनलाई जग्गाधनी प्रमाणपत्र दिन तत्काल काम अघि बढाउने सम्झौता भएको हो ।
उक्त सहमति पत्रआदान प्रदान कार्यक्रममा बोलदै आयोगका विज्ञ सदस्य ले सम्झौता बमोजिम अव्यवस्थित बसोबास, सुकुम्बासी र भुमिहिनलाई जग्गाधनी प्रमाणपत्र दिन तत्काल काम शुरु गर्न स्थानीयतहका प्रमुखहरु लाई अनरोध गर्नु भयो ।
राष्ट्रिय भूमि आयोगका कञ्चनपुर जिल्ला अध्यक्ष देवेन्द्र ढुंगानाले पुनर्गठित यस भुमिआयोगले विगतको आयोगले गरेको कामलाई निरनतरता दिदै लालपुर्जा वितरण गर्ने स्पष्ट पार्नु भएको छ ।
सहमतिपत्रमा हस्ताक्षर गर्दै शुक्लाफाटा नगरपालिकाका नगरप्रमुख दिल वहादुर ऐरले सम्झौता अनुसार स्थानीयतहहरु काम गर्न तयार रहेको तर राष्ट्रिय भूमि आयोगको केन्द्र र जिल्ला आयोगले सकृय भएर काम र अनुगमन गर्नु पर्ने वताउनु भयो ।
कञ्चनपुरका नौ वटा स्थानीयतह मध्ये चार वटा संग यो भन्दा पहिले नै सहमतिपत्रमा हस्ताक्षर भई सकेको छ । भुमी सम्बन्धी ऐन २०७६ को आठौँ संशोधन ०७६ माघ २८ मा लागु भएसँगै गत आयोगले शुरु गरेको काम गठवन्धनको सरकारले आयोग विघटन गरे पछी रोकिएको थियो । आयोग पुनर्गठन भए संगै कामले तिव्रता पाउने आशा पलाएको छ ।
