मझगाउँ विमानस्थल पुननिर्माणका लागी शिलान्यास

महेन्द्रनगर । संस्कृति पर्यटन तथा नागरिक उड्डयन मन्त्री प्रेम आलेले मझगाउँ विमानस्थल पुननिर्माणका लागी शिलान्यास गरेका छन । विमास्थलमा रनवे, टर्मिनल भवन र ट्याक्सी स्ट्यान्डलगायत आवश्यक संरचना निर्माण गर्न बुधबार शिलान्यास गरिएको हो ।
शिलान्यास भए सँगै सुरक्षाको कारण देखाउदै २२ वर्षदेखि बन्द रहेको विमानस्थलको पुनः सचालनमा आउने भएको हो । मझगाउँ विमानस्थलमा १ हजार ५ सय मिटरको रनवे, टर्मिनल भवन र ट्याक्सी स्ट्यान्डलगायत आवश्यक संरचना निर्माण हुने छन । विमानस्थल पुनःनिर्माणका लागि संघ सरकारको प्रदेश सरकारको भीमदत्त नगरपालिका र दोधाराचाँदनी नगरपालिकाको लागत साझेदारीमा काम शुरु भएको हो ।
नागरिक उड्डयन प्राधिकरणले भौतिक संरचना निर्माणका कान्छाराम केएस जेभी निर्माण सेवा संग विक्रम सम्वत २०८१ माघ ८ गते भित्र काम सम्पन्न गर्ने गरि ठेक्का सम्झौता गरेको छ । संस्कृति पर्यटन तथा नागरिक उड्डयन मन्त्री आलेले समयमै गुणस्तरिय काम भए नभएको वारे नागरिहरुले निगरानी गर्नु पर्ने र ठेकेदार कम्पनी लाई आवश्यक निर्माण सामग्री उपलव्ध गर्न सहयोग गर्न समेत अनरोध गर्नु भयो । साथै उनले १ हजार ५ सय मिटरको रनवे लाई २५०० मिटर वनाउन पहल गर्ने र विमानस्थल सम्म जोड्ने सडक लाई चारलेनको वनाउन समेत वजेटको व्यवस्थापन गरिने बताउनु भयो ।
सुदूरपश्चिम प्रदेश सरकारका उद्योग, पर्यटन तथा वन मन्त्री मान बहादुर धामीले प्रदेश सरकारले कञ्चनपुरको मझगाँउ विमान स्थल सञ्चालनका लागी स्थानीय तह, प्रदेश सरकार र संघ सरकारको साझेदारीमा काम भईरहेको हुदा प्रदेश सरकारले आवश्यक २५ प्रतिशत वजेट सम्वन्धित निकायमा पठाईसकेको बताउनु भयो । सरकारले बजेट विनियोजन गरिसकेको अवस्थामा गुणस्तरिय र समयमै काम सम्पन्न गर्न नागरिरकहरुले खवरदारी गर्नु पर्ने समेत उहाले वताउनु भयो ।
विमानस्थल पुननिर्माणको लागी तिन तहका सरकार तथा सबै नागरिक र जनप्रतिनििधहरुको अतुलनीय योगदान रहेको भीमदत्त नगरपालिकाका नगरप्रमुख सुरेन्द्र बिष्टले बताउनु भयो । दोधाराचादनी नगरपालिकाको १० प्रतिशत , भीमदत्तनगरपालिकाको १५ प्र्रतिशत , सुदुरपश्चिम प्रदेश सरकारको २५ प्रतिशत र संघ सरकारको ५० प्रतिशत लागत साझेदारीमा काम भईरहेको यस विमानस्थल पुननिर्माणको काम समयमै सम्पन्न गरिनु पर्ने समेत उहाले वताउनु भयो ।