माध्यमिक बिद्यालय शिक्षक युनियन नेपाल (हिस्टुन) कञ्चनपुरको जिल्ला अध्यक्षमा डम्बर दत्त जोशी निर्वाचित भएका छन ।
श्री भानु माबिका संयोजक तथा एकीकृत अखिल नेपाल शिक्षक संगठन कंचनपुर अर्थ सचिव समेत रहेका जोशी माध्यमिक बिद्यालय शिक्षक युनियन नेपाल (हिस्टुन) कञ्चनपुरको जिल्ला अध्यक्षमा सर्वसम्मत निर्वाचित भएका हुन । माध्यमिक बिद्यालय शिक्षक युनियन नेपाल (हिस्टुन) सुदुरपश्चिम सह संयोजक दीपेन्द्र जोशीको प्रमुख आतिथ्यमा कंचनपुरको बैजनाथ माविमा सम्पन्न भएको तेस्रो जिल्ला अधिवेशन बाट सर्वसम्मत रुपमा जोशी अध्यक्ष निर्वाचित भएका हुन । माध्यमिक बिद्यालय शिक्षक युनियन नेपाल (हिस्टुन) का निवर्तमान अध्यक्ष परमल साउदको सभातित्वमा भएको उक्त कार्यक्रम बाट डम्मर दत्त जोशी को अध्यक्षता मा २७ सदस्यीय समिति गठन गरिएको छ । जोशीले आफ्नो कार्यकालमा शिक्षकहरुको हक हितको लागी काम गर्ने प्रतिवद्धता समेत गरेका छन ।
