पहिलो पटक साफ च्याम्पियनसिपको फाइनलमा प्रवेश नेपाल

असोज २७, कन्चनपुर । पहिलो पटक साफ च्याम्पियनसिपको फाइनलमा प्रवेश गरेको छ । बंगलादेशसँग बराबरी खेल खेलेर नेपाल पहिलो पटक फाइनलमा प्रवेश गरेको हो । बुधबार भएको खेलमा नेपाल र बंगलादेश ११ को बराबरी खेलेका हुन् ।

१० खेलाडीमा सिमित रहेको बंगलादेशले पहिलो हाफको नवौं मिनेटमा अग्रता लिएको थियो ।  माल्दिभ्सको मालेस्थित नेशनल फुटबल मैदानमा खेलको नवौं मिनेटमा सुमन रेजाले गोल गर्दै बंगलादेशलाई अग्रता दिलाएका थिए ।

कप्तान जमल भुयानले उपलब्ध गराएको फ्रिकिक बललाई सुमनले हेडिङ मार्फत गोलमा परिणत गरेका थिए ।  ७९ औं मिनेटमा बंगलादेश १० खेलाडीमा सिमित बन्यो । गोलरक्षक अनिसुर रहमानले डि बक्स बाहिर आएर बल रोकेपछि रेफ्री ले उनलाई सिधै रातो कार्ड देखाएका थिए ।

८८ औं मिनेटमा अन्जन विष्टले पेनाल्टी मार्र्फत गोल गर्दै नेपाललाई बराबरीमा ल्याए ।  साद उद्दिनले पेनाल्टी क्षेत्र भित्र अन्जनलाई नै लडाएपछि रेफ्रीले नेपाललाई पेनाल्टीको अवसर प्रदान गरेका थिए ।

नेपालले अब उपाधिका लागि अक्टोबर १६ मा भारत वा माल्दिभसको सामना गर्नेछ । ४ खेलपछि नेपाल ७ अंकसहित अंक तालिकाको शीर्ष स्थानमा रहेको छ ।

नेपालले प्रतियोगिताको पहिलो खेलमा आयोजक माल्दिभ्सलाई १-० ले पराजित गरेको थियो । दोस्रो खेलमा श्रीलंकालाई ३-२ ले पराजित गरेको थियो । तेस्रो खेलमा भने भारतसँग १-० ले पराजित भएको थियो ।

भारतसँग पराजित भएपछि बंगलादेशमाथि बराबरी खेल खेल्नै पर्ने दबाब नेपालमाथि थियो । बंगलादेशलाई बराबरीमा रोक्न नसकेको खण्डमा नेपालको साफ यात्रा आजबाट टुंगिने थियो । प्रतियोगिताको १३ औं संस्करणसम्म आइपुग्दा नेपाल एकपटक पनि फाइनलमा पुग्न सकेको थिएन ।

अब आजै राति हुने भारत माल्दिभ्सबीचको विजेताले फाइनलमा नेपालसँग खेल्नेछ ।

ताजा खबर

शिक्षा मन्त्रालयले बोलाएको वार्तामा शिक्षक महासंघ नजाने

काठमाडौँ – नेपाल शिक्षक महासंघले शिक्षा मन्त्रालयले बोलाएको वार्तामा...

देउडा सुदूरपश्चिमको पहिचान हो, अन्तर्राष्ट्रियकरण गर्नुपर्छः मन्त्री साउद

धनगढी । सुदूरपश्चिम प्रदेश सरकारका सामाजिक विकास मन्त्री झपट...

भीमदत्त सरसफाई अभियानलाई निरन्तरता

महेन्द्रनगर । कञ्चनपुरमा भीमदत्त सरसफाई अभियानलाई निरन्तरता दिईएको छ...

शैक्षिक गुणस्तर सुधारका लागी विद्यालयहरुको अनुगमन लाई निरन्तरता

महेन्द्रनगर । भीमदत्त नगरपालिकाले शैक्षिक गुणस्तर सुधारका लागी विद्यालयहरुको...

Website developed by:

spot_img

छुटाउनु भयो कि ?