असोज २० महेन्द्रनगर ।
लागु औषध नियन्त्रण ब्यूरो शाखा कार्यालय कञ्चनपुरमा कार्यरत प्रहरी हवल्दार पदम सिह विष्ट पुरस्कृत भएका छन ।
बुधबार ६६औँ प्रहरी दिवसको अवसर पारेर सुदूरपश्चिम प्रदेश प्रहरीले लागु औषध नियन्त्रण ब्यूरोका हवल्दार विष्ट पुरस्कृत भएका हुन ।
लागु औषध नियन्त्रणमा उच्च भूमिका निर्वाह गरेको भन्दै प्रदेश प्रहरीले विष्टलाई पुरस्कारका साथै सम्मान गरेको छ । सुप प्रदेशका प्रहरी प्रमुख प्रहरी नायब महानिरीक्षक पुरुषोत्तम कडेलले प्रहरी हवल्दार विष्टलाई पुरस्कार हस्तान्तरण गरेको हो । लागु औषध नियन्त्रण कार्यालय कञ्चनपुरमा कार्यरत विष्टले थुप्रै लागु औषधका तस्कर समुहलाई तह लगाउँदै आएका छन ।
सुप प्रदेश प्रहरीले उत्कृष्ठ काम गर्ने दर्जनौँ प्रहरीलाई सम्मानका साथै पुरस्कार प्रदान गरेको जनाएको छ ।
