असोज १८ कन्चनपुर । कञ्चनपुरको भीमदत्त नगरपालिकाले बजार अनुगमनलाई नियमित रुपमा अघि बढाएको छ । सोमबार नगरपालिकाले चाडपर्वको अवसरमा हुने सक्ने कालो बजारी र मुल्य वृद्धीलगायत कानुन सम्मत व्यवसाय सञ्चालन रहे÷नरहेको कुरालाई लक्षीत गदैँ स्थानीय बजार अनुगमन गरेको हो ।
![](https://i0.wp.com/deshpati.com/wp-content/uploads/2021/10/244457330_4379256688831797_282039653874423117_n.jpg?resize=696%2C321&ssl=1)
भीमदत्त नगरपालिकाका प्रशासकीयय अधिकृत सुवास अधिकारीले कानुन सम्मत व्यवसाय सञ्चालन रहे÷नरहेकोबारे बजार अनुगमन गरिएको बताउनु भयो । उहाँका अनुसार बजार अनुगमन निर्देशिका– २०७४ बमोजिम महेन्द्रनगर बजारको गल्ली नम्बर १ मा रहेको १० वटा किराना तथा खाद्य पसल, मिठाई पलस, शैलुन र हार्डवयर पसलमा समेत नगरपालिकाले छड्के अनुगमन गरेको हो ।
![](https://i2.wp.com/deshpati.com/wp-content/uploads/2021/10/244489748_4379256585498474_4538064760433520281_n.jpg?resize=696%2C321&ssl=1)
अनुगमनका क्रममा नगरपालिकामा दर्ता नगरेको, व्यवसाय नविकरण नगरेको, मुल्य सुचि नराखेको , म्याद नाघेका खाद्य सामाग्री राखेको पाईएको प्रशासकीय अधिकृत अधिकारीले बताउनु भयो । दर्ता तथा नविकरण नगरेका तथा राजस्व नतिरेका व्यवसायलाई कानुनी प्रक्रिया अन्र्तगत सञ्चालन गर्न निर्देशन दिईएको र अटेरी गरे कार्वाही समेत अघि बढाईने उहाँको भनाई छ ।
![](https://i0.wp.com/deshpati.com/wp-content/uploads/2021/10/243730082_4379256428831823_6342548429201353183_n-1.jpg?resize=696%2C321&ssl=1)
व्यवसाय नियमन र उपभोत्ता हितका लागि बजार अनुगमन गरिएको बताउँदै प्रशासकीय अधिकृत अधिकारीले भन्नभयो ‘नगरपालिकाले बेला–बेलामा छड्के अनुगमन गदैँ आएको छ । यसले कालो बजारी, मुल्य वृद्धी नियन्त्रणसँगै उपभोक्ताको हकहितमा पनि टेवा पुग्ने अपेक्षा लिएको छौँ ।’
![](https://i0.wp.com/deshpati.com/wp-content/uploads/2021/10/243223742_4379255942165205_3781154013337668188_n-1.jpg?resize=696%2C321&ssl=1)
साथै कतिपय व्यवसायीले राजस्व नतिरि व्यवसाय सञ्चालन गरिरहेको पाईएकाले अनुगमनपछि आन्तरिक आयमा समेत वृद्धी हुने अपेक्षा गरिएको छ । नगरपालिकाले बेलाबेलामा स्थानीय बजार अनुगमन गर्दै आएकोमा यसलाई अझै निरन्तरता दिईने नगरपालिकाले जनाएको छ ।
![](https://i0.wp.com/deshpati.com/wp-content/uploads/2021/10/243223742_4379255942165205_3781154013337668188_n.jpg?resize=696%2C321&ssl=1)
बजार अनुगमनमा भीमदत्त नगरपालिकाको टोलीसँगै वडा प्रहरी कार्यालय, उद्योग वाणिज्य कञ्चनपुर, उपभोक्ता हित मञ्च लगायत पत्रकार महासंघका प्रतिनिनिधिहरुको सहभागीता रहेको थियो ।
![](https://i2.wp.com/deshpati.com/wp-content/uploads/2021/10/244461294_4379257032165096_6627474592394741765_n.jpg?resize=696%2C321&ssl=1)