भदौ २४ कञ्चनपुर नेपाली काँग्रेसको आशन्न महाधिवेशनको तयारी स्वरुप आगामी आईतबार हुन लागेको काँग्रेस नगरको सम्मेलनका लागि बेलौरीमा युवा समेत नगर सभापतिको उम्मेदवार भएका छन ।
नेपाली काँग्रेस बेलौरी नगरपालिका नगरको सभापतिका लागि काँग्रेस युवा नेता विक्रम चन्द देखिएका छन । उनले उम्मेदवारी घोषणा गरेर नगर सभापतिको तयारीमा जुटेका हुन । बेलौरी नगरपालिका १कञ्चनपुरका स्थानीय चन्द झण्डै डेढ दशकदेखि काँग्रेस राजनीतिमा सकृय छन ।
०६२ सालतिर जनता बहुमुखी क्याम्पस पूनर्वास नेवि संघ इकाई कमिटिबाट राजनीतिक यात्रामा होमिएका चन्द, साविक लक्ष्मीपुर गाविसको सचिव हुँदै अहिले काँग्रेस बेलौरीको नगर सचिव पदमा कार्यरत छन । दक्षिणी क्षेत्र युवा तथा किसानका भरोसाका केन्द्र बिन्दु चन्दले यस पटक नगर सभापतिको यात्रा तय गरेका हुन । साथिभाई तथा पार्टी नेता कार्यकर्ताको उत्प्रेरणाले उनले काँग्रेस बेलौरीको नगर सभापतिको यात्रा तय गरेर भेटघाटमा व्यस्त रहेका छन । काँग्रेसको विभिन्न आन्दोलनमा उनी अग्रमोर्चामा रहेर काम गरेका छन ।
युवा, समाजिक, किसानको न्याय एव राष्ट्रियताको आन्दोलनमा समेत होमिएको उनी ०७४मा सम्पन्न भएको स्ववियू निर्वाचन र खानेपानीमन्त्री बिना मगरलाई कालो झण्डा देखाउने क्रममा घाईते तथा् प्रहरी हिरासतमा बसेका थिए । युवा उद्यमी समेत रहेका चन्द उखु किसान हुन । उनले उखु किसानको हकहितका लागि बेलौरी, पूनर्वासका किसानका मुद्दा उठान गर्दै आएका छन । युवा पिँढीका ढुकढुकी चन्दले राष्ट्रियताका विषयमा समेत आवाज उठाउँदै आएका छन ।
बेलौरी सीमा क्षेत्र भएकाले थुप्रै सीमा समस्यामा उनले चासो दिदै निकासका लागि सम्बन्धीत निकाय घचघच्याउँदै आएका छन । ‘मेरो उम्मेदवारी पार्टीलाई एक ढिक्का र जनताको हितकै लागि हुन्छ, ‘उनले भने, ‘दक्षिणी क्षेत्रका जनता र पार्टीका नेता कार्यकर्ताको हितमा काम गर्नुपर्छ ।’ युवा नेता चन्दले काँग्रेस बेलौरीको नगर सभापतिमा निर्वाचित भएसंगै समग्र नगरको विकास एव जनताको हितमा काम गर्ने प्रतिबद्धता जाहेर गरेका छन ।
