१७ भदौँ कञ्चनपुर ।आशन्न नेपाली काँग्रेसको महाधिवेशनका लागि चार पटक समय तोकिएर हुन सकेन । तर, वडाबाट छनौट हुने वडा समिति, क्षेत्रीय प्रतिनिधी छनौटका लागि किचलो भईरहेका बेला कञ्चनपुरको क्षेत्र नम्बर २का तीनै तहमा रहेका केही वडाहरुमा सहमतीय आधारमा वडा समिति, क्षेत्रीय प्रतिनिधीको टुङगो लागेको छ ।
नेपाली काँग्रेस क्षेत्र नम्बर २का युवा नेता पवन नेपालीले क्षेत्रका अगुवा नेताहरुको प्रयासमा सहमतीय आधारमा वडा समिति, क्षेत्रीय प्रतिनिधीको टुङगो लागेको बताए । उनका अनुसार बेदकोट नगरपालिका ५ मा चित्रदेव भट्ट, ६मा जयदेव जोशी, ८मा दल बहादुर विष्ट, शुक्लाफाँटा नगरपालिका ६मा दान बहादुर खाती, ७मा अर्जुन बहादुर मल्ल, ९मा चक्र बहादुर ऐर र कृष्णपुर नगरपालिका ४मा दिलिप सिह भण्डारी, ७मा हरिसिह गैराल, ९मा कैलाश बलायर वडा सभापतिमा चयन भएका छन ।
‘क्षेत्र नम्बर २मा अधिकाँस वडाहरुबाट वडा समिति र त्यहाँबाट क्षेत्रीय प्रतिनिधी सहमतीय आधारमा छनौट भईरहेका छन, ‘उनले भने, ‘क्षेत्र दुईमा सहमतीय आधारमै टुङग्याउने प्रयास जारी छ ।’
