आयोजनाको बाँकी काम छिटो गर्न प्रमको निर्देशन

भदौ १० काठमाडौँ । प्रधानमन्त्री शेरबहादुर देउवाले अघिल्लो सरकारबाट निर्माण सम्पन्न नहुँदै उद्घाटन गरिएका आयोजनाको बाँकी कामलाई तत्काल सम्पन्न गर्न निर्देशन दिनुभएको छ ।
प्रधानमन्त्री शेरबहादुर देउवाको अध्यक्षतामा बुधबार बसेको राष्ट्रिय पुनर्निर्माण प्राधिकरणको २०औँ निर्देशक समितिको बैठकमा प्राधिकरणका पदाधिकारीलाई उहाँले यस्तो निर्देशन दिनुभएको हो ।

बैठकमा प्रधानमन्त्रीले निर्माण सम्पन्न नहुँदै हतार हतारमा उद्घाटन भएका तर काम अझै बाँकी रहेका आयोजनाको काम प्रभावकारी ढङ्गले सञ्चालन गर्न र त्यसका लागि सरकारले सबै किसिमको सहयोग गर्ने बताउनुभयो । बैठकले २०७२ साल वैशाख १२ गतेको महाभूकम्पले क्षति पु-याएको भौतिक संरचना पुनर्निर्माणको जिम्मा पाएको राष्ट्रिय पुनर्निर्माण प्राधिकरणले आफ्नो जिम्मेवारी सम्बद्ध निकायलाई हस्तान्तरणमा लैजाने निर्णय भएको जानकारी प्रधानमन्त्री कार्यालयका उपसचिव बद्री तिवारीले दिनुुभयो ।

बैठकपछि प्राधिकरणका प्रमुख कार्यकारी अधिकृत सुशील ज्ञवालीले पत्रकारहरूसँग कुरा गर्दै बाँकी रहेका पुनर्निर्माणका कार्यहरू सम्बन्धित मन्त्रालयमार्फत गरिने निर्णय पनि भएको छ ।उहाँका अनुसार विपत् व्यवस्थापनसँग सम्बन्धित कामहरू राष्ट्रिय विपत् जोखिम न्यूनीकरण तथा व्यवस्थापन आयोजनाबाट समन्वय, अनुगमन तथा व्यवस्थापन गरिने भएको छ ।

त्यसैगरी भवन निर्माण तथा पुनर्निर्माण तथा व्यवस्थापनका कामलाई सहरी विकास मन्त्रालय तथा मातहतका निकायमार्फत सञ्चालन गरिने भएका छन् । स्वास्थ्यसँग सम्बन्धित कामलाई स्वास्थ्य मन्त्रालय र शिक्षा मन्त्रालयसँग सम्बन्धित कामलाई शिक्षा मन्त्रालयले समन्वय, अनुगमन तथा व्यवस्थापन गर्ने निर्णय भएको छ  । आगामी पुस १० गतेसम्म म्याद रहेको प्राधिकरणको वर्तमान नेतृत्वले हालसम्म भए गरेका कार्य सम्बन्धित निकायलाई हस्तान्तरण गर्नेछ ।

ताजा खबर

लियो जिल्ला परिषद् ३२५ ‘एन’ को लोगो तथा नारा सार्वजनिक

कञ्चनपुर -  लियो जिल्ला परिषद् ३२५ ‘एन’ का नवनिर्वाचित...

भन्सार छलीको सामान वरामद

कञ्चनपुर - कञ्चनपुर प्रहरीले ७ लाख ५८ हजार ८...

महेन्द्रनगर बाट धनगढी गईरहेको विङ्गर दुर्घटना

कञ्चनपुर - कञ्चनपरको महेन्द्रनगरबाट धनगढीतर्फ गइरहेको विङ्गर दुर्घटनामा परेको...

सरकारले पेट्रोलको मुल्य घटाएर ,काठमाडौंमा निजी  पेट्रोल पम्पमा पेट्रोल अभाव 

सरकारले पेट्रोलको मुल्य घटाएर ,काठमाडौंमा निजी  पेट्रोल पम्पमा पेट्रोलको ...

महिला उद्घघोषण तथा घघरीया तथा अंगिया सम्बन्धी पुनर्ताजगी तालिम सम्पन्न

कञ्चनपुर - कञ्चनपुरको कृष्णपुरमा महिला उद्घघोषण तालिम तथा छोटो...

Website developed by:

spot_img

छुटाउनु भयो कि ?