भाद्र ०९ कञ्चनपुर । कञ्चनपुरको भाईरल रोड बन्द हुने । महेन्द्रनगर । कञ्चनपुरको भाईरल रोड बन्द हुने भएको छ । पछिल्लो समय भीमदत्त नगरपालिका महाकाली नदीमा निमार्णाधीन चार लेनको पक्की पुलसँगै बनिरहेको पहुँच मार्ग भाईरल भएपछि आन्तरिक तथा बाह्य पर्यटकहरुको भिड बढदै जाँदा कोरोनाको जोखिम पनि बढेको छ ।
जिल्ला प्रशासन कार्यालय र सरोकारवाला निकायको भाद्र ९ गते बसेको वैठकले कोरोना संक्रमणलाई मध्ये नजर गर्दै तथा उक्त क्षेत्र नेपालको गौरमय योजना र निर्माणधिन अवस्थामा रहेकाले आउँदो आईतवार देखी उक्त क्षेत्रमा आम सर्वसाधारणहरुलाई जान र भिड गर्न पूर्णरुपमा बन्द गरिने प्रमुख जिल्ला अधिकारी रामप्रशाद पाण्डेले मानसखण्डसंग बताए ।
“ पछिल्लो समयमा आमसर्वसाधारणहरुको भिड बढदै गएपछि कोरोनाको जोखिम पनि बढयो , अर्कोतर्फ योजना पनि प्रभावित बन्ने देखिएपछि उक्त निर्णय गरिएको हो ।
” प्रमुख जिल्ला अधिकारी पाण्डेले भने , “ स्थानीय व्यक्ति र निर्माणमा प्रयोग भएका सवारी साधन कर्मचारी वाहेकका अरुलाई पूर्णरुपमा बन्देज गरिने छ । ” भीमदत्त नगरपालिका -११ भुजेला र १२ ऐरी क्षेत्रमा रहेको पक्की सडक बनेसँगै छेउमै बगिरहेको महाकाली र पुल आन्तरिक पर्यटकको रोजाइ बनेपछि दैनिक २ हजार देखी ३ हजारको हाराहारीमा आवतजावत हुने गरेको छ ।
