भीमदत्तमा झडपपछि लेखकले गुहारे गृहमन्त्री खाँड, घट्नाको छानबिन गर्ने आश्वासन

भदौ ४ , भीमदत्त । नेपाली काँग्रेसका नेता रमेश लेखक भीमदत्त नगरपालिकामा काँग्रेस कार्यकर्ता र सुरक्षाकर्मीबीच झडप छानबिनका लागि गृहमन्त्री बालकृष्ण खाँडसम्म पुगेका छन् । उनले गृहमन्त्री खाँडले घट्ना छानबिन गरी दोषीमाथि कारवाही हुने आश्वासन दिएको सार्वजनिक गरेका छन् ।

नेपाल शिक्षक संघको आन्दोलनमा ऐक्यवद्धता जनाउँदै काँग्रेस कार्यकर्ताले नगरपालिका कार्यालयमा तालाबन्दी गर्न खोज्दा सुरक्षाकर्मीसित झडप भएको भएको हो ।

झडपमा परी काँग्रेस कार्यकर्ता, सुरक्षाकर्मी, जनप्रतिनिधि घाइते भएका छन् । सुरक्षाकर्मीले तालाबन्दी गर्न नदिएपछि उनीहरुले लाठी खोसेपछि झडप हुन पुगेको थियो ।

पूर्व मन्त्री लेखकले झडपपछि गृहमन्त्री खाँडलाई घट्नाबारे जानकारी गराएको फेसबुककमा उल्लेख गरेका छन् । उनले शिक्षक संघको आन्दोलनमा ऐक्यवद्धता जनाउन गएका काँग्रेस पार्टी र भातृ संस्थाका नेता कार्यकर्तामाथि सुरक्षाकर्मीबाट दमन गरिएको भन्दै भत्र्सना गरेका छन् । उनले शिक्षक संघले उठान गरेका मागहरु जायज भन्दै समर्थन गरेका छन् ।

शिक्षक दरबन्दी मिलान प्रक्रिया विधि सम्मत नभएको भन्दै शिक्षक संघ नगरपालिकामा धर्ना दिदैं आएको छ । शिक्षक संघले शान्तिपूर्ण भन्दै आएको आन्दोलनमा काँग्रेस कार्यकर्ताले नगरपालिका कार्यालयमा तालबन्दी गरेपछि तनाव उब्जिएको छ ।

यस अघि साउन ३१ शिक्षक संघका अध्यक्ष र सचिव सहितको संयुक्त बैठकबाट संघका माग अध्ययन र छलफल गर्न अर्को बैठक बस्ने निर्णय गरिएको थियो ।

ताजा खबर

शिक्षा मन्त्रालयले बोलाएको वार्तामा शिक्षक महासंघ नजाने

काठमाडौँ – नेपाल शिक्षक महासंघले शिक्षा मन्त्रालयले बोलाएको वार्तामा...

देउडा सुदूरपश्चिमको पहिचान हो, अन्तर्राष्ट्रियकरण गर्नुपर्छः मन्त्री साउद

धनगढी । सुदूरपश्चिम प्रदेश सरकारका सामाजिक विकास मन्त्री झपट...

भीमदत्त सरसफाई अभियानलाई निरन्तरता

महेन्द्रनगर । कञ्चनपुरमा भीमदत्त सरसफाई अभियानलाई निरन्तरता दिईएको छ...

शैक्षिक गुणस्तर सुधारका लागी विद्यालयहरुको अनुगमन लाई निरन्तरता

महेन्द्रनगर । भीमदत्त नगरपालिकाले शैक्षिक गुणस्तर सुधारका लागी विद्यालयहरुको...

Website developed by:

spot_img

छुटाउनु भयो कि ?