कुलमान विरुद्ध सर्वोच्च अदालत पुगे हितेन्द्रदेव शाक्य

 

साउन ३२, काठमाडौं । सरकारले नेपाल विद्युत प्राधिकरणको कार्यकारी निर्देशकमा कुलमान घिसिङलाई गरिएको नियुक्तिविरूद्ध सर्वोच्च अदालतमा मुद्दा परेको छ । हितेन्द्र देव शाक्यले कुलमान विरुद्ध सर्वोच्चमा रिट दर्ता गराएका हुन ।
प्राधिकरणको उक्त पदमा आफू कायम रहँदा रहँदै घिसिङलाई गरिएको नियुक्ति कानून विपरित भएको भन्दै शाक्यले सोमबार रिट दर्ता गराएका हुन् ।
आफूले प्राधिकरणको कार्यकारी निर्देशक पदबाट राजीनामा  नदिएको र सरकारले पठाएको उर्जा आयोगको विज्ञको पद पनि स्वीकार नगरेको अवस्थामा घिसिङको नियुक्ती कानून र सर्वोच्च अदालतले प्रतिपादन गरेको सिद्धान्त विपरित भएको दाबी गर्दै उक्त नियुक्ती खारेज गर्न शाक्यको माग छ । उनले आफूलाई गैरकानूनी रुपमा प्राधिकरणको कार्यकारी निर्देशक पदबाट हटाएको दावी गर्दै त्यसलाई बदर गरी आफूलाई यथावत राख्नुपर्ने माग रिटमा गरेका छन्। आफूलाई विस्थापित गर्न जब्बरजस्ती कुलमानलाई नियुक्ति गरिएको शाक्यको जिकिर छ । शाक्यले आफूलाई हटाउने सरकारको निर्णय र कुलमान घिसिङलाई कार्यकारी निर्देशक नियुक्त गर्ने निर्णय बदर हुनुपर्ने माग समेत गरेका छन् । कुलमान विरुद्ध परेको रिटमाथि सुनुवाइको पेसी बुधबारलाई तोकिएको छ ।
सरकारले साउन २७ गते कुलमान घिसिङलाई दोस्रो पटक प्राधिकरणको कार्यकारी निर्देशकमा नियुक्त गरेको थियो ।

ताजा खबर

शिक्षा मन्त्रालयले बोलाएको वार्तामा शिक्षक महासंघ नजाने

काठमाडौँ – नेपाल शिक्षक महासंघले शिक्षा मन्त्रालयले बोलाएको वार्तामा...

देउडा सुदूरपश्चिमको पहिचान हो, अन्तर्राष्ट्रियकरण गर्नुपर्छः मन्त्री साउद

धनगढी । सुदूरपश्चिम प्रदेश सरकारका सामाजिक विकास मन्त्री झपट...

भीमदत्त सरसफाई अभियानलाई निरन्तरता

महेन्द्रनगर । कञ्चनपुरमा भीमदत्त सरसफाई अभियानलाई निरन्तरता दिईएको छ...

शैक्षिक गुणस्तर सुधारका लागी विद्यालयहरुको अनुगमन लाई निरन्तरता

महेन्द्रनगर । भीमदत्त नगरपालिकाले शैक्षिक गुणस्तर सुधारका लागी विद्यालयहरुको...

Website developed by:

spot_img

छुटाउनु भयो कि ?