बिरामीको चाप घट्न थाल्यो महाकाली प्रादेशिक अस्पतालमा

महेन्द्रनगर । कञ्चनपुर जिल्लामा सञ्चालित कोभिड अस्पतालमा बिरामीको चाप घटन थालेको छ । बैशाख अन्तिम साता थेग्नै नसक्ने गरी बढेको विरामीको चाप एक महिनापछि निकै घटेको हो ।

कोरोना सङ्क्रमितहरुको उपचारका लागि महाकाली प्रादेशिक अस्पताल सहित आईसिएच महेन्द्रनगर, दोधाराचाँदनी, वेदकोट, बेलौरी, पिपलाडी, कृष्णपुर, लालझाडी र बेल्डाडी लगायतका क्षेत्रमा कोभिड अस्पताल सञ्चालनमा रहेका छन् ।

हाल महाकाली प्रादेशिक अस्पतालमा–१६, दोधारा चाँदनीमा–६, ईशान अस्पताल बेलौरीमा–१०, आईसिएच महेन्द्रनगरमा–१७, शुक्लाफाँटमा–१, कृष्णपुरमा–१० र बेलौरीमा–९ जनाको उपचार भइरहेको स्वास्थ्य कार्यालय कञ्चनपुरका सूचना अधिकारी गौरसिंह कार्कीले बताए ।

‘पहिले दैनिक २÷३ सय जना सङ्क्रमित हुदै थिए, अहिले सङ्क्रमितको दैनिक संख्या १५ देखि २० जनामा सीमित भएको छ,’ उनले भने–‘बिरामी घटेसँगै हामीले पनि राहत महसुस गरेका छौँ ।’ सुरुसुरुमा अस्पतालमा रहेका बेड भन्दा दोब्बर बिरामी हुँदा ग्यालरीमा समेत राखेर उपचार गर्नु परेको थियो ।

तर पछिल्लो समय बिरामीको सङ्ख्या कम हुन थालेपछि अस्पतालका बेडहरु खाली हुन थालेको सूचना अधिकारी कार्कीले बताए । उनका अनुसार कोभिडको सम्भावित तेस्रो चरणका लागि समेत सबैले अहिले नै तयारी थाल्नुपर्ने छ ।

‘पहिलो चरणमा खासै तयारी नहुँदा र दोस्रो चरणका लागि पूर्व तयारीको अभाव हुँदा भयावह स्थिति आयो, अव सम्भावित तेस्रो चरणका लागि पूर्व तयारी गर्नु छ,’ उनले भने–‘स्वास्थ्य सामग्रीको उपलब्धता र पूर्वाधार निर्माण राम्रो भए कोरोनासँगको लडाइँ सहजै जित्न सकिन्छ ।’

उनका अनुसार कोरोनाबाट बच्न स्वास्थ्य सुरक्षाका मापदण्ड पालना तथा खोपको उपलब्धतालाई विशेष प्राथमिकतामा राख्नु पर्दछ ।

ताजा खबर

उत्कृष्ट खेलाडीलाई मदन चन्दद्वारा ट्र्याकसुट वितरण

कञ्चनपुर, १५ कार्तिक  कञ्चनपुर को भीमदत्त नगरपालिका–७ हल्दुखालमा आयोजित खुला...

कांग्रेस महाधिवेशन प्रतिनिधिमा राधा ओझाको निर्विरोध यात्रा, आगामी यात्राका लागी पार्टीसँग परामर्श गर्ने

महेन्द्रनगर । बैतडीको मेलौली नगरपालिकाकी निवर्तमान उपप्रमुख राधा ओझा...

अन्तर्राष्ट्रिय कराते च्याम्पियनसिपमा भाग लिन नेपाली खेलाडी भारत प्रस्थान

कञ्चनपुर, ६ कार्तिक भारतको नोएडामा आयोजना हुने दोस्रो ओकिनावा...

Website developed by:

spot_img

छुटाउनु भयो कि ?