भीमदत्त नगरपालिकाद्धारा १७ वटा मेडिकल तथा क्लिनिकमा अनुगमन

महेन्द्रनगर
कञ्चनपुरको भीमदत्त नगरपालिकाले महेन्द्रनगर बजार क्षेत्रमा रहेका मेडिकल तथा क्लिनिकमा अनुगमन गरेको छ । मंगलबार नगरपालिकाको नेतृत्वमा जिल्ला प्रशासन कार्यालय,वडा प्रहरी कार्यालय,उपभोक्ता हित संरक्षण मंच र पत्रकार महासंघ कञ्चनपुरका प्रतिनिधि लगायतको टोलिले बजार अनुगमन गरेको हो ।

अनुगमन टोलीको संयोजक तथा भीमदत्त नगरपालिकाका प्रशासकीय अधिकृत सुवास अभिकारीले स्थानीय तहलाई प्राप्त अधिकार अन्र्तगत बजार अनुगमन गरिएको बताउनु भयो । उहाँका औषधि ऐन २०३५, औषधि दर्ता नियमावली २०३८, जनस्वास्थ्य सेवा ऐन,२०७५ र भीनपाको स्थानीय स्वास्थ्य सेवा ऐन,२०७६ बमोजिम मेडिकल तथा क्लिनिकहरू सञ्चालन भए÷नभएका, कानून सम्मत तवरले काम गरे÷नगरेकाबारे अनुगमन गरिएको हो । साथै उपभोक्ता संरक्षण ऐन, २०७५ ले सुनिश्चित गरेको उपभोक्ताको संवैधानिक अधिकारको कार्यान्वयन गराउन स्थानीय बजार अनुगमन टोलीबाट निरीक्षण गरिएको उहाँको भनाई छ ।

अनुगमन गरिएका १७ मेडिकल तथा क्लिनिक मध्ये ३ वटालाई नगरपालिकामा दर्ता हुन र ४ वटालाई दर्ता नवीकरण गर्न लिखित निर्देशन दिईएको छ भने १० वटालाई कानून बमोजिम स्वास्थ्य सेवा प्रवाह गर्न हुन मौखिक निर्देशन दिइएको प्रशासकीय अधिकृत अधिकारीले बताउनु भयो ।
साथै नगरपालिकाले आगामी दिनमा पनि बजार अनुगमन कार्यलाई निरन्तरता दिदैँ कानुन विपरित ठहरिए कसुरको प्रकृति हेरी मौद्रिक दण्ड र जरिवाना गरिने समेत गर्ने योजना रहेको उहाँले बताउनुु भयो ।

साथै बजार अनुगमन कार्यमा सहयोग गर्नहुन नगरवासी,व्यापारी, पत्रकार तथा सरोकारवाला निकायसँग उहाँले आग्रह समेत गर्नुभयो । अनुमन समितिको निर्देशान अनुसार व्यवसाय दर्ता तथा नवीकरण पश्चात भीमदत्त नगरपालिकाको राजव्स बढ्ने र उपभोत्ताले पनि सहज र सुलभ सेवा पाउने नगरपालिकाको अपेक्षा छ । नगरपालिकाले आईतबार पनि महेन्द्रनगर बजारमा छड्के अनुगमन गरेको थियो ।

भीमदत्त नगरपालिकी उप–प्रमुख शुसिला चन्द सिंहले निशेधाज्ञा तथा महामारीको समयमा हुने सक्ने कालो बजारी लक्षीत गरि बजार अनुमगन गरिएको बताउनु भयो । उहाँले सुपथ मुल्यमा स्वच्छ उपभोग्य वस्तु उपभोग गर्न पाउनु नागरिकको अधिकार भएको उल्लेख गदैँ उहाँले नगरपालिका त्यसमा सचेत रहेको बताउनु भयो । साथै उपभोत्तालाई पनि कालो बजारी लगायतबारे सुचना उपलब्ध गराउन तथा आफु पनि सचेत हुन उहाँले आग्रह गर्नु भयो । साथै भीमदत्त नगरपालिकाका उन्नाइसै वडाका ग्रामीण बजारमा रहेका पसलहरूको क्रमशः अनुगमन गरिने नगरपालिकाले जनाएको छ ।

 

ताजा खबर

शिक्षा मन्त्रालयले बोलाएको वार्तामा शिक्षक महासंघ नजाने

काठमाडौँ – नेपाल शिक्षक महासंघले शिक्षा मन्त्रालयले बोलाएको वार्तामा...

देउडा सुदूरपश्चिमको पहिचान हो, अन्तर्राष्ट्रियकरण गर्नुपर्छः मन्त्री साउद

धनगढी । सुदूरपश्चिम प्रदेश सरकारका सामाजिक विकास मन्त्री झपट...

भीमदत्त सरसफाई अभियानलाई निरन्तरता

महेन्द्रनगर । कञ्चनपुरमा भीमदत्त सरसफाई अभियानलाई निरन्तरता दिईएको छ...

शैक्षिक गुणस्तर सुधारका लागी विद्यालयहरुको अनुगमन लाई निरन्तरता

महेन्द्रनगर । भीमदत्त नगरपालिकाले शैक्षिक गुणस्तर सुधारका लागी विद्यालयहरुको...

Website developed by:

spot_img

छुटाउनु भयो कि ?