कञ्चनपुरमा बजार अनुगमन तिव्र ः पाँच ठाउँमा प्रशासनद्धारा शिलबन्दी

कञ्चनपुर ,११ जेठ । कञ्चनपुरमा बजार अनुगमन तिव्र पारिएको छ । बजारमा निषेधाज्ञाको समयमा हुने कालो बजारीलाई नियन्त्रण गर्नको लागि जिल्ला प्रशासन कार्यालयले बजार क्षेत्रमा अनुगमनको कार्यलाई तिव्रता दिएको हो ।

“जिल्लामा वैशाख १६ गतेबाट कोरोना महामारीको संक्रमणलाई रोक्न निषेधाज्ञा जारी गरिएको छ, निषेधाज्ञा पछिको समयमा बजार क्षेत्रमा निषेधआज्ञाको मौका छोपेर कालोबजारी हुने सम्भावना एकदमै रहने गर्दछ ।” प्रमुख जिल्ला अधिकारी राम कुमार महतोले भने, “उपभोक्ताको हककित संरक्षण गर्नको लागि हामीले हप्ताको दुई दिन तिन घण्टा सामान्य रुपमा बजार क्षेत्र खुकुलो गर्ने गरेका छौ, उक्त समय अवधिमा कालोबजारी नियन्त्रण गर्नको लागि पनि बजार अनुगमन गर्ने गरिएको छ ।”

निषेधआज्ञाको समय अगाडि पनि बजार क्षेत्रमा नियमित रुपमा बजार अनुगमन हुँदै आएको थियो । त्यसै अनुसार निषेधाज्ञाको समयमा पनि नियमित रुपमा बजार अनुगमन गर्ने कार्य भैरहेको प्रमुख जिल्ला अधिकारी महतोले बताए ।

निषेधाज्ञा पछि बजार क्षेत्र साताको आईतवार र बुधवार बिहान ६ बजेदेखि ९ बजेसम्म समान्य रुपमा खुल्ने गरेको छ । प्रशासन कार्यालयले भने उक्त समयलाई मध्यनजर गरेर बजारमा कोलोबजारी हुने, मुल्यवृद्धि हुने, कमसल सामग्री बेचबिखन हुने, उपभोक्ता ठगिने जस्ता विभिन्न कुरालाई पूर्वाअनुमान गरेर बजार अनुगमनको पाटोलाई सुदृढ तथा बलियो बनाएको जनाएको छ ।

“प्रशासन कार्यालयले बढोत्तरी दिएको अनुगमन पश्चात बजार क्षेत्रका केही व्यवसायीहरु भने कारवाहीमा परिएको अवस्था देखिन्छ ।, यसबाट उपभोक्ता मर्कामा परेको हो भन्ने कुरा पनि प्रस्ट हुन्छ, बजार अनुगमनले उपभोक्तालाई सहयोग पनि गरेको छ, हामीले पनि अनुगमनलाई निरन्तरता दिएका छौ ।” प्रमुख जिल्ला अधिकारी महतोले भने, ।

यसैगरी जिल्ला प्रहरी कार्यालयका डिएसपी अमर थापाका अनुसार बजार अनुगमनबाट बजार क्षेत्रमा गैरकानूनी रुपमा राखिएका ६ सय कट्टा बढी मलखाद बरामत गरिएको छ ।

“बजार क्षेत्रमा अनुगमन गर्दै जाँदा तिरुपती टेड्रस कन्सर्न, बेदकोट नमूना कृषि फार्म, भण्डारी एग्रोभेट फर्म, ए.डि. टेड्रस सप्लायर्स, जल उपभोक्ता कृषि सहकारी संस्था लिमिटेड गरेर बजार क्षेत्र तथा बेदकोट नगरपालिका क्षेत्रका ५ ठाँउबाट ६ सय बढी कट्टा मलखाद गैरकानूनी तरिकाले राखेको अवस्थामा बरामत गरिएको छ ।” डिएसपी अमर थापाले भने, “देखावटी रुपमा मदखादको कट्टाको बाहिर एक प्रकारको मदखाद भनिएको छ तर भित्र अर्कै प्रकारको भेटिएको छ, यस्तो अवस्थामा भन्सार छली ल्याएको सामानलाई भन्सार पठाउने तथा अन्य क्रियाकलापबाट गैरकानूनी ढंगले मदखाद जम्मा गरेको अनुसन्धानबाट खुलेपछि कसुर अनुसारको कारवाही गरिने अवस्था रहेको छ ।”

बरामत गरिएको ५ वटै ठाउँमा भने शिल गरिएको छ । कहाँबाट मलखाद ल्यायो भन्ने लगायत कुराहरुको थप अनुसन्धान गर्ने कार्य भैरहेको छ, अनुसन्धान पश्चात कसुर अनुसारको गैरकानूनी तरिकाले मलखाद जम्मा गर्ने व्यक्तिलाई कारवाहीको गरिने उनले बताए ।

ताजा खबर

महेन्द्रनगरमा फागुन १ देखि सुदूरपश्चिम प्रदेश स्तरिय औद्योगिक व्यापार मेला हुने,

महेन्द्रनगर–महेन्द्रनगरमा सुदूरपश्चिम प्रदेशस्तरिय औद्योगिक व्यापार मेला तथा कञ्चनपुर पर्यटजन...

क्टरको लाइसेन्स परीक्षामा ५३ प्रतिशत फेल

१५ माघ, काठमाडौं । चिकित्सकहरुको नाम दर्ता प्रमाणपत्र (लाइसेन्स)...

चितवन–२ मा उपनिर्वाचन

काठमाडौँ, माघ १४ गते । सर्वोच्च अदालतले उपप्रधानमन्त्री तथा...

सुदूरपश्चिमबाट राष्ट्रिय गौरवका आयोजनाको निरीक्षण सुरु गर्ने प्रधानमन्त्रीको तयारी

कञ्चनपुर। प्रधानमन्त्री पुष्पकमल दाहाल (प्रचण्ड)ले सुदूरपश्चिमबाट राष्ट्रिय गौरवका आयोजनाको...

रास्वपाको कार्यवाहक सभापति र संसदीय दलको नेतामा डीपी अर्याल

काठमाडौं । राष्ट्रिय स्वतन्त्र पार्टीले डोलप्रसाद (डिपी) अर्याललाई कार्यवाहक...

Website developed by:

spot_img

छुटाउनु भयो कि ?