निर्वाचनको तयारीमा जुट्यो आयोग,आजबाट मतदाता नामावली दर्ता रोकिने

काठमाडौं, ९ जेठ । प्रधानमन्त्री केपी शर्मा ओलीले निर्वाचन आयोगका पदाधिकारीहरूलाई घोषित मितिमा निर्वाचनको तयारीमा जुट्न निर्देशन दिएका छन् ।

शनिवार प्रधानमन्त्री निवास बालुवाटारमा आयोगका पदाधिकारीहरूसँग छलफल गर्नुहुँदै प्रधानमन्त्रीले यस्तो निर्देशन दिएका हुन् ।

प्रधानमन्त्रीका प्रेस सल्लाहकार सूर्य थापाका अनुसार प्रधानमन्त्री ओलीले निर्वाचन अपरिहार्य भएकाले नै मुलुक निर्वाचनतर्फ अगाडि बढेको स्पष्ट गरेका थिए । प्रधानमन्त्रीसँगको छलफलमा निर्वाचन आयोगका सबै आयुक्त र सचिव गएका थिए । आगामी कात्तिक २६ र मङ्सिर ३ गते प्रतिनिधि सभाको निर्वाचन तोकिएको छ ।

निर्वाचन आयोगका प्रमुख निर्वाचन आयुक्त दिनेशकुमार थपलियाले अहिलेको अवस्था र निर्वाचन गर्नुपर्ने कारणलगायतका विषयमा प्रधानमन्त्रीसँग छलफल गरिएको जानकारी दिँदै तुरुन्तै निर्वाचन व्यवस्थापनको काम थाल्ने विषयमा कुराकानी भएको बताए । उनले भने, “निर्वाचन आयोग भोलिदेखि नै आफ्नो संवैधानिक जिम्मेवारी निर्वाह गर्न क्रियाशील हुनेछ ।”

निर्वाचनका लागि कानुनी प्रावधानअनुसार आयोगको काम अगाडि बढ्ने स्पष्ट पार्दै प्रमुख निर्वाचन आयुक्त थपलियाले भने, “निर्वाचन घोषणा भएदेखि मतदाता नामावली दर्ता रोक्नुपर्ने कानुनी व्यवस्था छ । तसर्थ आइतबारबाट यो कार्य रोकिने छ ।”

सकेसम्म एकै चरणमा चुनाव गर्ने, सुरक्षाको व्यवस्था, आवश्यक बजेटको तयारी र स्रोत–साधनको तयारीमा आयोग जुट्ने थपलियाले स्पष्ट पारे । निर्वाचनका लागि पर्याप्त समय भएको चर्चा गर्दै उनले १२० दिन आवश्यक पर्नेमा त्योभन्दा बढी नै समय भएको बताए ।

ताजा खबर

मानव अधिकारका लागी एकल महिला समुहले मनायाे १४ औ अन्तराष्टिय एकल महिला दिवस

कञ्चनपुरमा रहेको मानव अधिकारका लागी एकल महिला समुहले १४...

लालझाडीको सोह्रौँ गाउँ सभा अधिवेशन : आर्थिक वर्ष २०८१।०८२ को बजेट रु. ५१ करोड ८३ लाख ७ हजार

कञ्चनपुर - कञ्चनपुरको लालझाडी गाउँपालिकाले आगामी आर्थिक वर्ष २०८१।०८२...

शुक्लाफाटा नगरपालिकाको १७ औँ नगर सभा सम्पन्न

कञ्चनपुरको शुक्लाफाटा नगरपालिकाले आगामी आर्थिक वर्ष २०८१।०८२ का लागि...

कञ्चनपुरको बेलौरी नगरपालिकाको नगर सभा सम्पन्न

कञ्चनपुरको बेलौरी नगरपालिकाले आगामी आर्थिक वर्ष २०८१/०८२ का लागि...

Website developed by:

spot_img

छुटाउनु भयो कि ?