गौरीफन्टा नाकाबाट एक वर्षमा करिब २ सय महिला तथा बालबालिकाको उद्धार

धनगढी, ८ जेठ । कैलाली–कञ्ञ्चनपुरको सिमानाका गौरीफन्टा नाकाबाट एक वर्षको अवधिमा करिब २ सय महिला तथा बालबालिकाको उद्धार गरिएको जनाएको छ । जिल्ला शान्ति पुर्नस्थापना गृहका अनुसार सो नाकाबाट एक वर्षमा १९८ जना महिला तथा बालिकाको उद्धार गरिएको जनाएको छ ।

विभिन्न बहानामा भारत लैजादै गरेका अवस्थामा उनीहरुलाई उद्धार गरिएको त्रिनगरनाकामा रहेको जिल्ला शान्ति पुर्नस्थापना गृहले जनाएको छ । यसरी उद्धार गरिएका महिला तथा बालबालिकामा कैलाली, कञ्चनपुरकामात्रै नभइ धनुषा, सिरहा, सर्लाही, बाँके र चितवन सम्मका रहेका छन् ।

उद्धार गरिएका अधिकांश १४ वर्षदेखि १९ वर्षमुनिका किशोरी छन् । बैशाख महिनाभरी भारत लगिदै गरेका १५ जनालाई नाकाबाट र ५ जना यौन हिंसामा परेकालाई उद्धार गरिएको शान्ति पुर्नस्थापना गृहका जिल्ला संयोजक उमेश शिवाकोटीले बताए । कैलालीमा बैशाख १६ गतेदेखी जारीे निषेधाज्ञामा चार जनालाई प्रहरीले उद्धार गरेको छ ।

उद्धार गरिएका मध्ये दुई जना कैलालीका, एक जना चितवन, र एकजना सर्लाहीका छन् । उद्धार गरिएका महिला तथा किशोरकिशोरीलाई शान्ति पुर्नस्थापना गृहले सम्झाइ बुझाइ अभिभावकको जिम्मा लगाउने गरेको छ । महिला तथा बालबालिका बेचबिखन तथा हिंसामा पर्नेक्रम रोकिएको छैन् । सामाजिक संजालबाट कुराकानी हुने र प्रेमको नाटक गरेर भारततिर लग्ने गरेको बताइएको छ ।

महिला तथा बालबालिकालाई भारतिर लग्नेमा विवाहित पुरुष रहेको बताइएको छ । घरमा श्रीमती हुदाहुदै पनि उनीहरुले विवाहको प्रलोभनमा पारेर महिलालाई भारततिर लग्ने गरेको शान्ती पुर्नस्थापना गृहका जिल्ला संयोजक शिवाकोटीले बताए ।

गरिबी, अशिक्षा तथा बेरोजगारीका कारण पनि यस्ता घट्नाहरु रोकिएको छैन । भारत पुग्ने महिला तथा किशोरीहरु शारीरिक, मानसिक तथा यौन शोषण पर्ने गरेका छ्न । यसैबीच, गृहले एक वर्षको अवधिमा ५ हजार ५८८ जनालाई काउन्सीलिङ गरेको छ ।

ताजा खबर

दार्चुलामा तुइनबाट खसेर एकजनाको मृत्यु

दार्चुला – दार्चुलामा तुइनबाट महाकाली नदीमा खसेर एक जनाको मृत्यु...

महाकाली सिचाई आयोजनाको मूल नहरको उदघाटन हुन नसक्दा किसानहरु पानी पाउन बाट वन्चित

महेन्द्रनगर । राष्ट्रिय गौरबको आयोजनाको रुपमा अघि बढिरहेको महाकालि...

दुग्ध उत्पादक किसानहरु लाई खप्तड कृषि सहकारी द्धारा मिल्क क्यान सहयोग

महेन्द्रनगर ।कञ्चनपुरको खप्तड कृषि सहकारीले दुध व्यवशायलाई सुदृढ गर्न...

अब अन्तरिक्षमा ब्रेन ट्युमरको उपचार हुने

बेलायती अन्तरिक्ष एजेन्सीले २ वटा नयाँ मिसनलाई अन्तरिक्षमा प्रक्षेपण...

Website developed by:

spot_img

छुटाउनु भयो कि ?