दोधारा–चाँदनी झोलुङगे पुलमा ‘टिकटक’ बनाइदिने भन्दै ‘भतिजी’लाई भारततिर लगेपछि……

महेन्द्रनगर । कञ्चनपुरको भीमदत्त नगरपालिका–१८ सालघारीकी १५ वर्षिया रविना भट्ट (नाम परिवर्तन) असोज १३ गते विहानै मर्निङ वाक जान्छु भन्दै घरबाट निस्किइन् ।

विहानै घरबाट निस्केकी रविना १०÷११ बजे सम्म पनि घर नफर्किएपछि उनका परिवार आत्तिए । रविनाका परिवारले छोरी घर नफर्किएपछि आफ्ना आफन्त साथीभाई सबैलाई छोरी त्यहाँ आएकी छ की ? भनेर सोधपुछ गर्न थाल्ये ।

आफन्त साथीभाइबाट यहाँ आएकी छैन, भन्ने जवाफ पाएपछि रविनाका परिवार जिल्ला प्रहरी कार्यालय कञ्चनपुर पुगे । जिप्रकामा हराएकी छोरी खोजीदिन भन्दै उनका परिवारले निवेदन दिएपछि प्रहरी टोली रविनाको खोजी कार्यमा जुट्यो ।

र प्रहरीले निवेदन आएको केहि घण्टामै रविनालाई जिल्लाको माहाकाली नगरपालिका स्थित नेपाल भारत सीमा नजिकैबाट उद्दार गर्यो ।

रविनालाई उनको फुपु नाता पर्ने कृष्णपुर नगरपालिका–२ वाणीकी ममता गिरीले ललाईफकाई भारततर्फ लैजादै गरेको अवस्थामा सीमानाका नजिकै बाट उद्दार गरिएको प्रहरीले जनाएको छ । प्रहरीको प्रारम्भिक अनुसन्धानका अनुसार झोलुङगे पुलमा राम्रो टिकटक बनाइदिन्छु र त्यहाँ फोटो पनि राम्रो आउँछ भन्दै रविनालाई फुपु नाता पर्ने ममताले झोलुङगे पुल सम्म लगेर गईन् ।

झोलुङगे पुल पुगेपछि ममताले पुलपारी झन राम्रो फोटो आउँछ,पारी गएर फोटो खिचेर आउँ भन्दै रविनालाई भीमदत्त नगरपालिका–१३ का राजेन्द्र गिरी संग बाईकमा पठाइन् ।

त्यसपछि राजेन्द्रले फकाएर रविनालाई भारततर्फ लैजादैँ गरेको अवस्थामा नेपाल–भारत सीमानाका नजिकैको बाबाथान बजारबाट माइती नेपाल संगको सहकार्यमा प्रहरीले उद्दार गर्यो ।

त्यस्तै प्रहरीले थप अनुसन्धान गर्दै जाँदा रविनालाई भारत लैजानका लागि भन्दै भीमदत्त नगरपालिका–७ का राजेन्द्र भट्टले भारु पैसाको ब्यवस्था गरिदिएको खुल्न आएको बताइएको छ ।

हाल  राजेन्द्र गिरी,राजेन्द्र भट्ट र ममता गिरीलाई मानव बेचविखनको आरोपमा प्रकाउ गरि थप अनुसन्धान भइरहेको जिल्ला प्रहरी कार्यालय कञ्चनपुरका प्रवक्ता एवम् प्रहरी नायव उपरिक्षक अमर बहादुर थापाले बताए ।फाइल फोटो 

[Sassy_Social_Share total_shares="ON"]

Leave A Reply

Please enter your comment!
Please enter your name here

ताजा खबर

पहिलो पटक तिलाचौरमा रामलीला महोत्सव हुँदै

कञ्चनपुर, १४ असार कञ्चनपुरको उत्तरी भेग तिलाचौरमा पहिलो पटक...

नास्लुको हिमपहिरोमा परेर घाइते भएका ९ जनाको सकुशल उद्धार

असोज १, काठमाडौं । मनास्लुको हिमपहिरोमा परेर घाइते...

पहिराका कारण नारायणगढ–मुग्लिन सडक

पहिराका कारण नारायणगढ–मुग्लिन सडक अवरुद्ध भएको छ। शुक्रबार राति १२...

मार्मा गाउँपालिकामा यार्सागुम्बा संरक्षण तथा प्रशोधन केन्द्र स्थापना हुने

दार्चुलाको मार्मा गाउँपालिकामा यार्सागुम्बा संरक्षण तथा प्रशोधन केन्द्र...

Website developed by:

spot_img

छुटाउनु भयो कि ?